Page 19 - RDA
P. 19
E brug di tubo di Spaans Lagoen ta acomoda y sostene tubonan pa transporta Heavy Fuel
Oil (HFO) y awa industrial, pero tambe cabelnan di coriente y communicacion cu ta core
over di e lagun. For di 2017 a planea pa inicia un proyecto di renobacion di e brug den di
dos cuartal di 2018. E proyecto lo tin un duracion di un aña.WEB ta aplaudi e
preocupacion di comunidad pa cu e brug aki. Pueblo por ta sigur cu lo envolvi expertonan
ambiental na momento cu inicia e trabounan di renobacion, pa asina limita e efecto riba
nos medio ambiente.
Preliminar na e proyecto, na 2016 a haci estudionan di inspeccion di e condicionnan di e
brug pa determina e urgencia pa renoba y tambe pa determina e grandura y tipo di trabou
di renobacion. A resulta for di e estudionan e tempo ey, cu e brug por a wanta algun aña
mas. Considerando e gastonan cuantioso envolvi, a dicidi e tempo ey pa pospone e
proyecto di renobacion pa aña 2018
E tubonan cu ta mustra riba e potret, ta tubonan cu tawata ubica cabel di coriente conecta
cu Valero. E tubonan aki no ta contene HFO y no ta den servicio mas. Lo desmantela e
tubonan aki como parti di e proyecto di renobacion.
