Page 19 - MIN ARENDS

Cumplimento cu pago di Televisionnan local ta up to date y

ta vigila pa DTZ

Friday, 14 July 2017 18:03
1
Comparti

Tin televisionnan local tambe cu mester cumpli cu varios cos. Nan tambe tin un fee cu mester cumpli cun’e. DTZ ta
tene esey basta up to date, loke ta trata e crediteurenbestand.

Por bisa cu e radionan, canalnan di television ta cumpliendo pa loke ta e normanan, pa loke ta trata e feesnan cu nan
tin cu paga pa haci uzo di e frecuencianan.
Minister Arends a splica cu cada uno ta diferente tarifa. Television ta un cos, radio ta un otro. Den e caso di red
celular, ta bay pa un suma di 7.2 miyon florin cada 10 aña y un fee anual di 1.5 miyon tur aña. E suma ey, loke ta
oustanding cerca MIO ta un suma di 15 miyon di florin, cu ta consisti di un parti di e tarifanan anual cu mester paga
pa e concesion bieu, esun cu a caduca na 2014, como tambe e concesion, e 7.2 miyon, pa loke ta trata e concesion cu a
wordo duna na 2014, como tambe e feesnan anual for di aña 2014 te cu awor aki. Tur esey ta suma un total di 15
miyon di florin.
Intrekking di un concesion ta un derecho exclusivo di Gobierno, pero no ta algo cu e ta haci tur ora. Historicamente
no ta conoci e biahanan cu di berdad cu un licensia a wordo ingetrokken pa motibo cu no por yega a na un areglo.
Semper tabata tin areglo. Semper, ora cu no por, tabata tin un periodo di transision. Pero den e caso aki e suma ta
asina cuantioso, ta hustifica accionnan di Gobierno pa por trek in e licensia. E empresa mes, ta keda existi, ta keda
responsabel pa tur su oblicacionnan. Ta keda responsabel pa e desmantelacion fisico di e ekiponan. Ta keda
responsabel pa e trahadonan. Ta keda responsabel pa e huur cu nan ta paga. Nan ta keda responsabel pa tur otro
obligacion cu e empresa por tin na tercera, como tambe na Gobierno, pasobra ainda ta keda e 15 miyon di un
vordering cu ta keda habri pa e NV, cual ta haci negoshi bao di e nomber di MIO.
Uzo di frecuencia
Semper Gobierno ta wordo acerca, hasta ora cu tabata tin 3 provider, pa duna mas concesion. Sinembargo e cantidad
di tres a wordo stipula despues di investigacionnan hopi extensivo cu a wordo haci na 2003, ora cu e mercado di
celular a wordo habri, ora cu Digicel y MIO a penetra e mercado di celular cu tabata tin tres provider di servicio di
celular. E estudio ey mester wordo haci di nobo pasobra e ceramento di MIO, aunke nan tabata tin tarifanan hopi
atractivo, no a resulta. Ta bay bek na e pregunta fundamental, si di berdad e mercado local por cu tres provider di
celular. Esey ta un investigacion cu ta bay laga haci door di DTZ y e ora ey lo dicidi si lo want’e na dos provider of lo
mantene e di tres posibilidad pa un provider di servicio di celular, segun minister Arends.