Page 38 - AWEMAINTA
P. 38
38 AWEMainta Dialuna, 18 December 2017
Lus...Camera...Fiesta
Partido AVP cu un anochi espectacular
Concierto di Speransa a wordo
domina pa un ambiente di union
MANERA ta custumber pa añanan largo caba par-
tido AVP, e partido mas bieu y mas grandi di Aruba,
a celebra diasabra ultimo su tremendo ‘Concierto di
Speransa’.
Henter anochi tabata reina un ambiente festivo y alegre.
E ambiente di union cu e partido berde ta conoci p’e
tambe tabata wordo sinti henter e anochi bunita aki.
Bou un tent grandi, masha hopi hende tabata sinta pa
gosa di e bunita musica y na mes momento saborea un
dushi plato.
Ora lider di partido AVP Mike Eman a yega hunto cu
su señora Doina tur presente a yega cerca pa salud’e,
bras’e y felicite cu un otro anochi excepcional cu par-
tido a organisa. Manera semper e platonan Navindeño
cu miembronan di partido a prepara cu hopi amor, a
bay manera pan cayente.
Norman Roos tabata presente cu su tent di bolo, tenta-
laria, tert, pandushi y demas coi dushi y hende tabata
aglomera pa cumpra nan.
Gaita Maruba a duna e toke special na e anochi special
aki. Apesar cu tabatin hopi otro evento rond Aruba,
por bisa cu esaki no a stroba e anochi aki pa tabata
exitoso. Le Groove a cera e anochi den un ambiente di
kita sombre! Pianan a los mesora.
Pabien AVP cu semper ta marca pauta pa otronan sigui.
