Page 14 - MIN TTC 15 DEC 2015

42 Djamars 15 Desèmber 2015

Kontinuashon di pagina 4 SOSEGA PA PAS
BENTA DI PASASHI PA...

desaroyando for di 2003
i tabata e úniko proyekto e
tempu ei.

Pero awor aki tin
diferente kompania ta
desaroyando e tipo di
plannan aki. Entre nan tin
Richard Brason ku a haña
un retraso den su proyekto
Virgin Galactic. Aña pasá su
buelo di tèst a resultá fatal
den Desierto Mojave ora
e nave a kai i plama for di
otro.

E kompania a bisa ku
pa fin di e aña aki lo tin un
nave nobo.

Segun e website Kayak
na Gran Bretaña, un
enkuesta a indiká ku mas
di mitar di británikonan ta
bisa ku nan kier bai den
espasio. Entre esnan bou di
35 aña e porsentahe ta mas
haltu ainda: 74 porshento.
Notabel tambe ku e kantidat
di hende hòmber ku kier
bai espasio ta mas grandi
(66 porshento) kompará ku
hende muhé (38 porshento).
Un otro punto ta ku un gran
kantidat di hende den e
enkuesta a bisa ku den nos
bida aktual biahamentu
pa espasio lo bira un kos
komun.

Manera indiká, e
proyekto Space Port no ta
e so mas. Na Spaña nan a
anunsiá e proyekto ku un
nave Bloon ku un kabina pa
kuater hende ku ta mará na
un blas grandi ku helium.
Tin mas kompetidor manera
e kompania Spike Aerospace
na Boston ku a desaroyá
un superjet ku por rekoré e
ruta New York/London den
kuater ora, ku ta mitar di e
ora di buelonan aktual.

Asina tin diferente
kompania mas ku ta “aas”
riba e buelonan espasial
komersial.

Pa loke ta trata Kòrsou
tin un silensio anke ku e
legislashon ta básikamente
kla.

No tin informashon
si e proyekto lo sigui i
prinsipalmente ki ròl
Gobièrnu di Kòrsou lo tin den
e totalidat. Anteriormente e
punto di salida tabata ku
Kòrsou lo no hinka niun sèn
(mas) den e proyekto.