Page 20 - AWEMAINTA

22 AWEMainta Dialuna, 14 Mei 2018

Deporte

Brazil Taekwondo su team di Train Hard

Fight Smart a train cerca Rene Wild.

DIASABRA mainta e team
di Train Hard Fight Smart
a sigui cu un di dos training
cerca Rene Wild. Alberto
Klabér tabatin un reunion
hunto cu Rene Wild.
Rene Wild a corigi Alberto
Klabér tocante hisamento di
peso, paso e ta depende di cua
deporte bo ta haci p’e wordo
bon balansa.
Despues di e splicacion cu
Rene Wild a duna Alberto
Klabér a acorda cu tur
diasabra e team di Train Hard
Fight Smart ta bay cerca Rene
Wild pa guia profesional.

Brazil Taekwondo Stichting
tin atletanan cu un tempo
tabata Infantil, Cadet, Junior
y awor a bira adulto cu ta
rekeri mas forsa y cuminda
balansa. Rene Wild a dectecta
e fout y a corigi esaki p’e
atletanan por sigui crece den
nan desaroyo.
Sr. David Dubero,
Secretario y sr. Guaicaipuro
Jimenez, Presidente di
Aruba Taekwondo Bond
a bishita e training y a
keda masha contento cu Rene
Wild ta bay guia e atletanan
p’asina nan por ta mihor
prepara pa tur e eventonan
internacional nos dilanti.
Un danki ta bay sigur na
Rene Wild, kende a tuma tur
su tempo p’asina contribui
n’e team di Train Hard Fight
Smart di Brazil Taekwondo
Stichting.