Page 25 - AWEMAINTA

Dialuna, 14 Mei 2018 AWEMainta 27

Corsou

Cooperacion pa salba bida humano

CENTRO di Salbacion y Coordinacion (RCC)
di Kustwacht Caribisch Gebied (KWCARIB)
a haya notificacion di Martinique cu un boto
piscador, ‘Star Knight’ a hay’e cu problema
di motor y a cuminsa drief entre St. Lucia y
Martinique.
Abordo tabatin 4 persona y nan a drief pa
algun dia caba riba laman. E avion Dash 8 di
Guardacosta e momento ey tabata haci buelo
di patruya na Islanan Riba.
Riba indicacion di RCC e avion Dash 8 tambe
a cuminsa cu e patronishi di busqueda. Den
oranan di merdia, e Dash 8 a informa di a haya
e boto piscador na altura di Martinique.
Asina nan a keda den becindad, mientras cu e
helikopter di Guardacosta Frances a keda bula
te ora cu nan a haya tur e 4 personanan abordo
y hiba nan pa Martinique.
Como cu e 4 personanan aki tabata
practicamente sin awa, nan a ser transporta
pa hospital pa un tratamento mas profundo y
asina a logra scapa bida di e 4 piscadornan. Ta
danki n’e colaboracion y cooperacion a logra
scapa e piscadornan aki.