Page 41 - Djarason 21 februari 2018.pdf

Djarason 21 Febrüari 2018 41
rígido riba kantinanan móbil promé ku e ora stipulá
Kontinuashon di pagina 5 komo ku esakinan ta forma konforme nan pèrmit.
Moratorio temporal pa
kompetensia inhustu den MEO a tuma nota ku den
área di nan establesimentu, algun petishon ta skohe un
un petishon na MEO pa espesialmente teniendo lugá di establesimentu di e
por ehersé kontròlnan mas kuenta ku nan ta habri kantina di forma ku esaki
hopi bia ta forma un estorbo
i peliger pa peatonnan i òf
otro establesimentu.
Aparte di esaki tin
un fenómeno kaminda
kantinanan móbil ku pa
tempu prolongá a usa e
mesun puesto ta hasi nan
mes inmóbil dado momento
dor di konstrukshonnan
fiho na nan kantina i
den sierto kaso asta
teras i konstrukshonnan
adishonal, lokual no ta
permití konforme lei.
Pa por trese e kambionan
nesesario den e situashon
aki, den un desishon fechá
14 di febrüari último,
Konseho di Minister a bai di
akuerdo pa entrante 12 di
febrüari 2018 i pa un periodo
di seis (6) luna, establesé
un moratorio temporal
kaminda lo no otorgá
standplaatsvergunning
di karakter permanente
riba petishonnan nobo pa
kantinanan móbil.
Ta e intenshon ku durante
e periodo ku e moratorio
aki ta na vigor, MEO
kontinuá ku tratamentu
di tur demas petishon ku
a keda entregá promé ku
12 di febrüari i lo hasi un
inventarisashon profundo di
tur ‘standplaats’ eksistente
ku ta disponé di un pèrmit
bálido pa por operá. Sin
mas, e kontrolnan di parti
di e Tim di Inspekshon di
MEO riba e kantinanan
móbil eksistente tambe lo
keda intensivá durante e
moratorio aki. Si akaso
na momento di kontròl e
kantina no ta disponé di e
pèrmitnan nesesario òf ta
faya ku kumplimentu di
kriterionan indiká den su
pèrmit, e kantina lo mester
wòrdu kitá for di e sitio
bou di gastu kompleto di e
propietario.
Ministerio di Desaroyo
Ekonómiko lo traha den
estrecho koperashon ku
Ministerio di Tráfiko,
Transporte i Desaroyo
Urbano i Kuerpo Polisial
durante e periodo ku e
moratorio aki ta vigente
pa por duna kontenido na
un mihó maneho i adaptá e
kriterionan pa otorgashon
di ‘standplaatsvergunning’
permanente.