Page 14 - ATA

Diahuebs ta reuni pa dicidi fecha pa

habri frontera maritimo cu Venezuela

Posted on 05/21/2018 5:23 pm AST | Updated on 05/21/2018 5:24 pm AST

ORANJESTAD – Diahuebs awor tin reunion interno atrobe entre stakeholders pa
dicidi riba habrimento di frontera cu Venezuela. Asina prome minister di Aruba
Evelyn Wever a bisa NoticiaCla den un primicia dialuna merdia. Ainda no a haya e
documentonan necesario di Venezuela pa por determina kico exacto nan kier, y
como tal no por bisa kico ta bay sosode. Intencion tabata berdad pa habri e frontera
pa 6 di juni proximo manera palabra dia 3 di mei, pero esey por cambia ainda segun
e mandatario.

REUNION

Mientrastanto awe merdia e prome mandatario a reuni cu un grupo di persona riba e tema
aki (y ta reunionnan cu ta tuma lugar constant). E problema ta cu Venezuela ainda no a
duna Aruba e documentonan cu Aruba tin cu bay exigi na momento di importacion di
producto. “Te ainda nos ta mescos cu dia 6 di januari ora cu nan a cera e frontera” Wever
a bisa, pa loke ta e situacion di frontera maritimo. Potret ta archivo di NoticiaCla riba e
reunion di 3 di mei na Corsou.