Page 20 - ATA

Aruba caminda e la nace, pa pone su webonan durante temporada di traha neishi. Esaki lo ta e aña cu
finalmente nan ta logra wak’e of e buskeda pa Streya lo hibanan den awanan peligroso?

“Lesa buki hunto tabata un parti esencial di e infancia di mi yiunan riba diferente nivel – e la yuda

fomenta nan amor pa lesa, e la inspira nan pa ta creativo y imaginativo, e la habri mundonan nobo pa
nan, y mas cu tur cos, nos tempo hunto lesando tabata un experiencia unico pa bond”.

“The Search for Streya” a tuma un paar di aña pa desaroya, tanto Tina como Vanessa tabata

maniobra cu nan compromisonan diario, trahando riba e buki den nan tempo liber. “Despues di skibi,
cambia y bolbe skibi varios biaha, finalmente nos a yega na e punto pa interpreta e personahenan di
mi imaginacion pa pone riba papel. Vanessa a presenta n’ami diferente version di e personahe

principal y despues nos mester a dicidi tur detaye: peinado, escogencia di vestuario, y e colornan”, e
autora a informa. Cu e scenario di e buki siendo Aruba, Tina tabata kier pa e detayenan di e paisahe

wordo inspira pa e isla. “Nos a core tur rond di Mangel Halto y Savaneta, pa asina scohe cierto
aspectonan di e paisahe y varios pida palo y botonan di pisca local pa uza como inspiracion pa e
scenario di e buki”.

E producto final ta obtenibel awo riba nos isla, danki na varios compania y organisacionnan local cu

a cumpra e buki den pre-benta. “E comunidad di Aruba, cu ta uno masha uni, ta apoya hopi di su
artistanan, escritornan, y musiconan. Varios hotel y companianan local a kere den nos y nos
proyecto, ofreciendo pa cumpra e buki den pre-benta pa asina recauda fondo pa nan por wordo

imprimi. Vanessa y mi persona ta eternamente gradici na e siguiente companianan y
organisacionnan: Hilton Aruba Caribbean Resort & Casino; Aruba Marriott Resort & Stellaris
Casino; Tropicana Aruba Resort & Casino; The Ritz-Carlton, Aruba; Aruba Tourism Authority;

Botica di Servicio; Renaissance Aruba Resort & Casino; Divi Resorts; y De Palm Tours. Dos otro
compania a ofrece nan apoyo; Kay’s Fine Jewelry/Alex & Ani y Coldwell-Banker tabata e prome

nan pa cumpra varios buki pa nan clientenan ora e buki a yega algun dia pasa. The Search for
Streya ta na benta na e siguiente boekhandels y gift stores: The Juggling Fish (na Playa Linda), The
Lazy Lizard (Alhambra Casino & Shops), TradeWinds (RIU Palace Antillas, Hilton, Marriott Ocean
Club), Bruna, Plaza Book Shop, y Van Dorp.