Page 105 - KPA

homber cu ta testigo di loke a caba di pasa. Den e mondi mas pabou tin un chollerhouse.

E homber cu flanel cora ta un security cuidando material y ekipo di construccion cu tin

riba e Watty Vos Blvd. El a cana bay den e mondi mas pabou pa asina mira unda por

haya un pida paña pa limpia su paña cu lo a susha na lodo. Banda di e chollerhouse den e

mondi el a pidi e adicto Potje pa yude. Pero den e caso aki Potje a sali rabia riba dje cu

intencion di dale cu bloki. E security a actua mesora y pasa man pa un pick cu tin eynan

mes. Asina e pelea a hera bira un matamento. Un homber metzla trahando den cura y cu a
mira y scucha e gritonan a core bin na e sitio y interveni. Otro cu tambe tabata sinta den

cercania a reacciona. Asina a logra controla e situacion pero a bati alarma. Nan a conta

Polis tur loke a sosode. Polis a bay busca drechi di e adicto pero no a topa cune. A drenta

e chollerhouse pero tampoco e haya e adicto. Polis a tuma declaracion di tur esnan cu si

tabata tey y tambe di e security. Polis tin atencion pa e caso. Parce cu Potje ta biba den e

mondi pasobra famia no kier tende di dje. Nan ta cobra su placa di onderstand y tene

esaki pero no ta lage drenta cas ni sikiera pa e baña. Leu leu bisiñanan ta dune cuminda.

Asina bisiñanan mes tabata conta.