Page 109 - KPA

Ta asina cu Bureau City Inspector a haya un informacion di bisiña y e ta un area
cu no ta yega lihe den dje. Na nan yegada a constata cu en berdad, cu ora di
awasero nan ta forma criadero di sangura y tambe bisiñanan ta tira nan

sushinan di cas ariba e tereno aki. No a keda Bureau City Inspector nada otro
cu bay investiga di ken e tereno ey, cual a resulta cu e tereno ta na nomber di

un persona naci den siglo 19. E ora lo mester busca e herederonan, pero a
prefera di haci e tereno limpi.

Algun siman atras, Bureau City Inspector a haya nan den un situacion, caminda

tabata tin un meneer cu tabata tin su auto para na Playa, a kita e auto for di
eynan. E meneer a bin haya su auto na un compania cu ta destrui auto y el a
busca manera di forma un problema, caminda a bin para te dilanti di fiscal, cu a

duna City Inspector rason. Ta un stap hopi importante pa esunnan cu tin nan
auto canto di caminda, of den cura cu ta haci e caso hopi mas fastioso.

Un yamada na tur esunnan cu tin nan auto para eynan na Nieuwstraat cu nan

tin te dia 10 di November pa busca nan auto. Pasobra cu Bureau City Inspector
lo hiba tur auto cu ta na e luga en cuestion, pa un otro luga. Autonan cu wordo

kita for di caminda, pa polis ta wordo hiba Balashi,pero mirando situacion di
autonan aki na Nieuwstraat, cu segun e mecanico ta tur ta di dje, ta firma
esaki, e autonan aki no ta ni yega Balashi, pero ta bay direct dump. E doñonan

tin te dia 10 di November pa busca e auto, sino por bay busk’e otro caminda.

Dicon departamentonan no ta tuma accion mas agresivo? Den pasado tabata tin
un persona encarga cu esaki, cu a wordo apunta door di gobierno cu ta zorg pa

e ruinann di auto ariba caminda. Pero den ultimo temponan aki, City Inspector
hunto cu polis di bario a tene un accion hunto, no riba autonan so, pero ariba

autonan cu no por wordo drecha mas, y esey ta nan focus principal. City
Inspector mester duna e doño 2×24 hora pa ley, pero nan ta bay mas aleu di
dunanan un siman. Ta saca e aviso den tur corant, medio di comunicacion etc.

Si asina mes e doño no bin busca su auto, e ora City Inspector ta protehi pa ley
y nan por bay kita e auto aki for di unda cu e ta.