Page 6 - ENNIA OCT 16

Interesante seminario di ENNIA riba prevencion di accidente

Publication: Friday, 16 October 2015. Categoria: General

ORANJESTAD(AAN): Diaranzon durante mayor parti di atardi a tuma lugar un seminario yama
‘Prevent Now’, organiza pa ENNIA.
Durante e seminario diferente charla y presentacion a tuma lugar, relaciona cu entre otro
prevencion di accidente den trafico y diferente otro aspecto di seguridad den trafico.
Entre otro señora Maribelle Tromp di Departamento di Salubridad Publico a papia entre otro
tocante di e efectonan cu accidentenan di trafico tin riba salud di hende.
Joaquin Pieters di Cuerpo Policial tambe a duna un presentacion riba e situacion di nos trafico na
Aruba, cu diariamente conoce un cantidad grandi di accidente.
Sergio Wever di Be Safe 4 Life a hiba un charla riba prevencion di candela den trafico, mientras
instructor di core Eric de Bree a duna tur tipo di tip pa ora cu hende ta maneha un vehiculo den
trafico.
Jessy Wiersma di Forensys Aruba a duna un charla riba e importancia di registracion di un
accidente, mientras cu Senior Managing Director di ENNIA Gilbert Martina a papia tocante
entre otro prevencion y tur tipo di seguro.
Durante un entrevista, managing director di ENNIA Henry van der Berg a splica cue
presentacionnan ta hopi interesante, enfocando riba tur aspecto di seguridad den trafico, for di
diferente punto di bista.
En total tabata tin mas di 200 hende a registra pa participa na e seminario, incluyendo
miembronan di cuerpo policial, brandweer, salubridad, Gobierno etc.
E tipo di seminarionan aki ta importante pa yuda concientiza mas hende riba seguridad den
trafico, cu ta algo hopi importante sigur den un comunidad cu asina tanto auto riba caminda.
http://www.diario.aw/2015/10/interesante-seminario-di-ennia-riba-prevencion-di-accidente/