Page 24 - Binder1

 Local

Seccion Examenbureau di Departamento di Enseñanza Aruba ta recorda tur persona cu ta interesa pa aplica pa e
Prueba di Naturalisacion cu e inscripcion ta habri te cu diabierna dia 20 di Februari 2015.
Pa aplica pa e Prueba di Naturalizacion mester haci uzo di e Formulario di Aplicacion cu ta obtenibel pa download
for di riba e website Enseñanza Aruba | www.ea.aw. Aki tambe por haya e Foyeto di Informacion.
Na April 2002 Gobierno di Reino Hulandes a introduci un ley cu ta exigi cu tur persona cu ta interesa pa ricibi e
nacionalidad Hulandes mester pasa cu exito un Prueba di Naturalizacion obligatorio. Riba decision di Minister di
Asuntonan Interior y Relacionnan di Reino, fecha 15 di December 2010, e Prueba di Naturalizacion entrante 1 di
Januari 2011 ta inclui tambe den e prueba di idioma 4 componente na e idioma Hulandes. Di e forma aki e Prueba di
Naturalizacion pa Aruba entrante e fecha aki riba menciona ta consisti di 1 componente di conocemento di nos
comunidad y structura estatal, 4 componente di idioma Papiamento y 4 componente di idioma Hulandes.
Departamento di Enseñanza Aruba pa medio di su Examenbureau ta encarga specificamente cu e prueba y no tin
ningun participacion den henter e proceso di naturalisacion. Pa informacion relaciona cu e Prueba di Naturalizacion
por tuma contacto cu Examenbureau, mientras cu pa naturalizacion mester tuma contacto cu Gabinete di
Gobernador di Aruba.
Pa mas informacion por acudi tambe na e website www.ea.aw y busca Naturalisatietoets of Prueba di Naturalizacion
den e alfabet menu.

http://masnoticia.com/studiantenan-na-rotterdam-keda-bon-informa-encuanto-seguro/

Studiantenan na Rotterdam a keda bon informa encuanto
seguro