Page 33 - AHATA
P. 33
Despues di varios reunion, e compania di aviacion Surnameño SLM a yega na un acuerdo
cu e compania local Fast Delivery Services, pa atende cu tur loke cu ta servicio di ticket y
carga na Aruba.
E compania local cu a bin ta creciendo den transcurso di añanan, a dal un stap mas pa
amplia nan servicio, specificamente e parti di benta di pasashi.
E servicio aki a haya un cliente nobo y ta bin despues di a logra joint venture cu
clientenan grandi di e branch di carga aereo y maritimo, y servicionan di koerier cu UPS.
Banda di esaki, Fast tin un filial na Boulevard unda ta bende ticket pa diferente aerolinea
manera Aruba Airlines, Air Century, WinAir y awor a bin aserca SLM.
“Nos ta hopi contento cu e joint venture cu SLM,” director di Fast, Gigi Helder a
comenta.
E acuerdo aki ta nifica un mehoracion pa benta di ticket y p’e clientenan. SLM a amplia
nan destinacionnan pa mundo, bulando via di Surnam, na cual ciudadanonan di Aruba
tambe tin aceso na dje awor cu Fast Delivery brindando e servicio aki.
Un ruta hopi atractivo cu SLM tin ta nan buelo pa Aruba, via Surinam, cu un tarifa hopi
competitivo. “Competencia semper ta algo bon y sano, y ta pone nos brinda un mihor
servicio na cliente.”
Ademas di e parti di e ticketing, Fast Delivery ta bay atende tambe cu tur carga pa y for
di Surinam y tur e rutanan cu SLM ta cubri, p’e clientenan aki na Aruba.
