Page 7 - MIN ON OCT 9, 2015

Diabierna 9 Oktober 2015 Pagina 15
Segun Profesor Dr. Earney F. Lasten
KICO MAS FALTA PA SOSODE PA MIKE EMAN ZINK ARUBA
COMPLETAMENTE?
REALIDAD DI BIDA: BOSO GOBERNANTENAN SA KICO TA SIGNIFICA “GOBERNA”?
Permitimi expresa mi opinion como un Arubiano trahando y residencia den
exterior. Mi ta sigui tur acontecimiento na Aruba di cerca tur dia, pesey
mi ta desea di duna mi opinion al respecto. Mi ta lamenta y preocupa di
mira con nos dushi isla Aruba poco poco ta perde mayoria di su autentico
ingredientenan positivo di nos antepasadonan.
Antes bo por a laga bo porta di cas habri, sin tin miedo di ladron, mientras
awe ta fiesta tin den ladronicia. Antes nos habitantenan ta biba como un
famia feliz uni cu otro, mientras awe nos ta biba oprimi, cu miedo di expresa
nos opinion. Antes nos medionan di comunicacion por a pensa y skirbi liber,
awe varios di nan a bende nan principio pa interesnan personal.
Antes nos Isla tabata economicamente den top ranking, awe tur hende ta
papia di e mega debe cu AVP a crea pa nos. Desde anja 2009 AVP a bin
cu un campaña cu un mercadeo di crea sensacion, caminda populismo ta
fiesta di tur dia, es decir cu popularidad ta e esencia pa sobresali y den
campaña un manera fuerte pa haya mas voto posibel. E gobernantenan
actual a penetra cuidadosamente den varios sector pa purba silencia esnan
cu posiblemente kier a pensa of expresa nan mes libremente.
E gobernantenan a bin cu nan táctica- y e strategianan pa manipula noticia,
esta tur loke nan haci malo nan ta laba bo cerebro y hinca e noticia fresco
aki como algo cu ta positivo pa Aruba y pa bo persona kere cu ta algo
positivo pa Aruba. Tur AVPnan, tanto ministernan como parlamentarionan y
nan coordinadornan ta papia un solo idioma, como sifuera nan manera di
goberna ta ehemplar , sobresaliente y corectamente.
Esaki ta e manera pa indoctrina un pueblo, caminda ya e pueblo no ta pensa
mas, sino ta e AVPnan ta pensa pa e pueblo. Esnan cu ta indoctrina e pueblo
sa masha bon, cu tur loke nan ta menciona ta puro mentira, pero e interes pa
nan sigui privilegia nan mes tur dia ta asina grandi, cu na nan a bira adicto pa
sigui cu nan maldadnan cu nan kier somete na e digno pueblo.
Di otro un banda, e actual gobernantenan ta bagateliza e ponencia real y
veridico di oposicion, den nan medionan di prensa, cu AVP tin den nan gara
y e medionan di prensa aki cu ta haya cos, ta baila e tumba manera AVP ta
desea.
Varios lider sindicatal cu a bende nan alma pa cos, ta laga e Gobierno
actual haci y deshaci locual nan ta desea. Varios instancia tin miedo pa
represaya, pesey nan ta laga e Gobierno sigui castiga e pueblo cu medida.
Parlamentarionan cu ta sostene e actual Gobierno di AVP a bira marionetanan
cu no tin nodi di usa nan cerebro mas, ta Mike Eman ta pensa y dicidi pa nan.
Un Gobierno cu ta traha sin pia sin cabez;
- Un tram fracasá, sin vision cu ta core pariba y pabao, cu a costa
miyones,cu Pueblo, esta nos mester paga pa e tramnan aki, sin a
duna un resultado positivo, pa aumenta e benta di e negoshinan den
caya principal di Aruba. Varios negoshi den caya principal ta cla pa
stop di opera.
- Nos promer ministro presidente di Aruba, Mike Eman ta haci
propaganda na Aruba y den exterior, cu Aruba lo ta 100% green na
anja 2020, esta aki 5 aña. Manera semper Mike Eman a costumbra
di tuma su pueblo haci, manera e ta haya ta bon, con tal e keda na
poder.
Otro mentira di Mike Eman. - Su welo ta un ehempel, Shon Henny
Eman a menciona e tempo nan di pasado: laga nos tuma nan haci,
pasobra toch ora di eleccion e pueblo a lubida y ta bolbe vota pa
nos di Eman. Nos di AVP ta hende sabi y e Indianan di Aruba ta
hendenan humilde y bobo. Facil pa bo bendenan un 6 pa un 9. Mike
Eman a laga sa, cu si e sigui braza e hendenan di Aruba, e ta sigui
gana nan confianza y nos pueblo ta bolbe vota pa Mike Eman keda Mi pregunta na e
ministro presidente. Y e gobernacion malo caminda AVP a crea un digno pueblo di Aruba:
mega debe ta ser lubida y perdona, pasobra Mike Eman sa hopi bon “Cuanto di boso votador
con pa papia bunita pone hende kere un cos pa otro. Abo lo kier cai ta stima nos dushi
den su trampa un biaha mas? Aruba” ?“Cuanto di boso
- En vez di a rebaha BBO, AVP a subi BBO te cu 3.5% y awor nan ta
bay colga nos Pueblo pronto aumentando BBO te cu 8%. AVP ta gobernacion di AVP” ?
sinonimo di “medida”.
- Awor nos tin cu parkeer auto
pagando Fls.2.00 pa ora, sino fono,
nan ta klem bo auto, tow bo auto bay
cune y bo mester paga Fls.200.00
pa haya bo auto bek.
Negoshinan no ta bende manera
custumber, lugarnan pa parkeer ta
mescos cu un desierto.
Un fracaso total e forma con AVP a
introduci parkeermeternan.
- Cu e 24 medidanan cu AVP ta bay
introduci ainda y e medidanan cu
ya nan a introduci, Aruba lo bira
asina costoso, cu e mayoria di nos
Pueblo mester busca ayudo extra pa
sobrevivi of muda y laga pais Aruba
pa Mike Eman y su privilegiadonan.
- Door cu Aruba lo bira asina costoso, automaticamente criminalidad
lo aumenta drasticamente y esey nos por a nota caba. Gabinete Mike
Eman no ta rebaha su gastonan di gobernacion, nan no ta rebaha
nan 200 plus coordinadornan cu ta gana placa di nos pueblo sin
traha.
- Nos autonomia financiero cu tanto nos Libertador Betico Croes
q.e.p.d. a lucha pe, awe a ser entrega bek na Hulanda. CAFT y of
Hulanda tin ultimo palabra den tuma decision pa Aruba.
- Dia 27 di Augustus 2015 ta un dia scur pa Aruba, ta un dia cu ta bay
den historia;
Esaki ta e dia cu husticia a laga cera un paar di hende cu a haci
desorden dilanti di parlamento, mientras esnan di AVP, tanto Mike
Eman himself como su ministernan y su parlamentarionan cu a
distrui Aruba cu medida, si ta cana rond manera nada no a pasa.
Esaki ta nos husticia real? Esaki ta loke nos pueblo kier pa nos digno
pueblo di Aruba?
- Si e Gobierno di Mike Eman tabata goberna bon manera mester
ta, si e ministernan tabata hende drechi manera mester ta, pakico
Hulanda a pone anto e gobierno di AVP bao curatela? Un “Koninklijk
Besluit” cu ni si bo kier no por ser desmenti y of elimina e cicatriz.
Di awor padilanti ta Hulanda tin e ultimo palabra encuanto gastamento
di nos placa segun presupuesto! Mescos cu nos mayornan ta prohibi
nos yiunan menor di edad pa tuma un decision, asina E Gobierno di
AVP a bira, nan a bira menor di edad, hende bobo, incapacita pa
tuma decision den nan propio cas. Asina leu e Gobierno di Aruba a
contribui pa nan propio mal maneho. Un gobierno di AVP cu no tin
cuero di cara y a perde tur nan credibilidad.
Mike Eman cu su privilegiadonan ta bay den historia caminda nos
yiunan y yiunan di nos yiunan lo siña na school con malo e gobierno
di Mike Eman tabata durante aña 2009 te cu 2015.
Ainda boso por tuma boso retiro y laga esnan cu sa kico ta goberna,
drecha locual
boso a destrui.
votador ainda ta pro e
Ta existi “Vox
Populi Vox Dei”?