Page 50 - MIN ARENDS

Hues lo bay scucha tres partido diamars mainta den e caso
entre directiva nobo di PDR y Camara di Comercio

Monday, 12 June 2017 19:44
Comparti

Diamars mainta, lo bay tuma luga un caso den corte caminda cu e bestuur nobo di PDR ta demanda
Camara di Comercio di no reconoce nan como directiva.

Akinan Abogado Sven Faarup ta defende e directiva nobo, pa asina duna nan un man pa por hustifica
nan posicion como directiva nobo y mustrando cu riba nan statuto ta para cu na momento cu un
miembro afilia na un otro partido, miembrecia di e partido coriente ta termina.
Gastonan den partido

Den esaki Abogado Sven Faarup no ta kere cu e bestuur nobo di PDR ta desmenti cu nan tabata tin gasto
pa e partido. E resto di miembronan di partido, tambe tabata tin gasto. Ora cu bay un eleccion, tur hende
ta hinca nan mes den gasto extra y no ta solamente Andin Bikker. Esey por ta den opinion di bestuur
nobo, no ta un motibo valido pa bisa cu door di esey of el a hinca mas placa aden, esey ta un motibo
valido cu nan no tin un caso den corte.

Moral
Ta haya un grupo cu a bay ultimo eleccion y si kier sigui cu e partido. Si wak awor aki, ta basicamente
PDR no a bay ni e debate ultimo. Nan si ta dispuesto pa bay eleccion nobo. Nan tin un grupo nobo di
hende, cu ta dispuesto pa subi lista di PDR. Nan tin belang pa sigui cu e partido. Aunke cu e bestuur bieu
a baha.

Caso diamars mainta

Diamars mainta, pa mas of menos 8’or y mey lo bay tin e caso entre e bestuur nobo di PDR y Camara di
Comercio. Segun Faarup, hues a pasa door di e documentonan. Ta haya Camara di Comercio un banda, e
bestuur nobo di otro banda y e bestuur bieu riba un otro banda. Basicamente hues lo bay scucha tres
partido y despues lo tuma su decision. Cortico e no lo dura. Por ta e lo por dura un tiki largo.