Page 53 - MIN ARENDS

NV Elmar no a perde su exclusividad pa loke ta benta di
coriente

Monday, 12 June 2017 21:39
Comparti

A crea manera un tiki preocupacion na momento cu a sali un of otro publicacion cu Elmar a perde su
exclusividad pa loke ta benta di coriente. No tin monopolio mas.

Naturalmente un situacion manera esaki, ta pone toch trece preocupacion cerca entre otro trahadonan y
diferente otro grupo. Nos a acerca minister di Economia, kende ta bon na altura riba e desaroyonan cu
tin di haber cu Elmar, etc. E ta splica un tiki kico ta e situacion.
Segun Minister Richard Arends, esaki no ta e caso. Elmar tin su concesion na ordo. Na momento cu a
renoba e concesion, aña pasa. Mescos cu tur e otro concesionnan di agencianan di Gobierno cu tin un
tipo di monopolio, e concesionnan unda cu ta stipula e reglanan riba cual nan por distribui coriente cu
awa. A inclui hopi regla pa loke ta trata corporate government y good governance tambe. Esey ta den e
caso di WEB aña pasa y e aña aki cu Elmar.

WEB tin e concesion pa produci coriente y distribui esaki na e refineria, como tambe na Elmar y Elmar
na su turno tin e concesion pa distribui coriente riba henter Aruba.

No ta trata di un caso cu Elmar lo a perde su exclusividad. Elmar ta nos compania nacional y ta distribui
coriente. Obviamente ta haci’e posibel tambe cu si tin sunpanels na cas of un molina di biento na cas, bo
por bende bek na e red. Esey ta hacibo tambe un distribuidor. Pero sin embargo pa loke ta e compania cu
ta autorisa pa distribui coriente, esey ta NV Elmar.

Utilities a acerca Gobierno for di algun siman pasa caba pa specifica esey den e concesion y ta bezig cu e
decreto pa por haci e coreccion den e concesion di Elmar. No tin nada cu ta bay tin un di dos of di tres
partido pa distrui coriente na Aruba. Elmar ta propietario di tur infrastructura, a haci y ta haciendo
inversionnan cuantioso.
Recientemente por a mira e parke di panelnan solar y Elmar sigur ta un di e partnernan strategico di
Gobierno pa loke ta trata e agenda di energia hunto cu WEB, hunto cu Utilities, ta un di e partnernan
strategico y den ningun momento ta e caso cu Elmar lo a perde su exclusividad.
Ki poder Gobierno tin

Goederen di Openbare Nut, cu originalmente ta Gobierno su responsabilidad di por distribui esakinan y
comercialisa esakinan. Durante añanan, Gobiernonan a evoluciona y no ta algo inusual cu Gobierno ta
duna esaki den modo di un concesion na un partido priva pa haci’e. Ta wak’e na Hulanda, ta wak’e na
Merca, ta wak’e na Aruba tambe, manera Setar un compania priva cu ta atende tur loke ta
telecomunicacion, antes telefoondienst, un departamento di Gobierno y una bes cu bo crea un mercado,
bo mester habri e mercado tin biaha pa otro partidonan, cual a sosode den telecomunicacion. Pa loke ta
trata distribucion di coriente ta tiki mas complica y tin mas infrastructura. Tin hopi mas detaye tecnico,