Page 26 - AVP

Di acuerdo cu e plan basico, desaroyo industrial, innovacion y infrastructura mester ta
duradero, pues no algo pa un rato. Esaki ta encera cu e pais mester por mantene
(sostene) industria cu mester ta di calidad halto. Na mes momento e parti di desaroyo
aki mester ta confiabel.

E acuerdo di 2015, pues di e tempo cu Aruba tabata negocia introduccion di e proyecto
industrial di Citgo, ta mustra cu industrialisacion mester ta di tal forma cu por resolve
problemanan, dificultadnan, cu por presenta.

Finalmente industrialisacion mester por sostene e desaroyo economico y ta na bienestar
di e ser humano.

Segun e acuerdo cu Aruba a firma na 2015, na 2030 e industrianan cu wordo introduci
mester tabata capaz pa aumenta nan posibilidad di empleo y nan parti den e
produccion nacional, na forma considerabel na 2030 di acuerdo cu circunstancianan
nacional.

Industrianan cu a wordo introduci for di momento cu a firma e acuerdo na 2015,
mester a subi e calidad di empresa industrial chikito y crea mas acceso na facilidad di
credito pa empresa chikito.

E puntonan aki pues mester a garantisa cu industrianan cu ta establece nan mes
mester por a entrega comunidad mundial y nan paisnan stabilidad y siguridad cu
ningun momento Citgo por a entrega Aruba.

E condicionnan den cual Citgo a wordo introduci no ta honra e demanda pisa di e
acuerdo cu a wordo alcansa den seno di Nacionnan Uni.

Na prome luga a firma e acuerdo cu un pais di cual ni e gobierno mes tabata kere den
Citgo cu Chavez kier a bende na 2010 y cu Maduro a uza pa haya prestamo.

E base di Citgo tabata hancra den e situacion na Venezuela cu no tabata duna ningun

indicacion di duradero ni sostenibel na prome luga pa e problemanan serio cu tabata tin
na Venezuela na 2015 y 2016 sigur.