Page 32 - AVP

Manera DIARIO for di fin di Augustus 2018 a anuncia, Citgo Aruba ta un peliger serio pa
Aruba, cu pa motibo di Citgo ta directamente mara na e guera civil cu a desaroya na
Venezuela.

Mientras mundo tabata admira Juan Guaidó despues cu den un situacion di emergencia
el a bandona Venezuela pa bay atende un congreso economico mundial na Suisa,
DIARIO tabata sigui tur desaroyo di e guera civil na Venezuela.

Presencia di e barco di guera Hulandes den awanan di Aruba, a confirma noticia di
DIARIO cu Aruba ta den estado di alerta extremo debi na e desaroyonan na Venezuela
y e interes directo cu Aruba tin te awe den e centro di problema entre Guaidó y Maduro.

Ayera por a tuma nota di alegria di trahadonan di Citgo pasobra nan a alcansa un
acuerdo cu Citgo. E informacion a drenta na momento cu DIARIO tabata ricibi otro
informacion cu ta mustra cu e instalacionnan di Citgo na Aruba ta bou vigilancia severo
mientras e situacion na Venezuela a escala.

Informacionnan cu DIARIO a ricibi ta papia di preocupacion serio pa Juan Guaidó, cu a
logra bandona Venezuela hustamente na momento cu e situacion na Venezuela ta
explosivo.

Ayera a cera cu informacion cu gobierno di Nicolas Maduro a tuma poder di e oficinanan
di Guaidó den Asamblea Nacional, caminda e grupo di Maduro a coy mando.

DIARIO a splica en extenso cu Maduro mester cumpli cu e demanda di Rusia.

Guaidó no por wordo reemplasa sin mas ya cu ta pasobra e ta Presidente di e Asamblea
Nacional e por yama su mes Presidente Interino di Venezuela. E Vice Presidente di

Asamblea Nacional no por asumi e encargo aki loke ta nifica cu sin Guaidó no tin
Presidente Interino di Venezuela.

E situacion di Citgo ta bay rementa segun informacionnan cu ta papia di e confrontacion

mundial cu ta desaroya su mes na Venezuela caminda placa a caba cu Maduro.