Page 53 - MIN SOC JULY 21

Fundacion Hende muher den Dificultad lo sigui ricibi apoyo
Publication: Tuesday, 21 July 2015. Categoria: General
Ministro Paul Croes:

ORANJESTAD (AAN): Minister di Asuntonan Social, Hubentud y Labor drs. Paul Croes
despues di a reuni cu directiva di Fundacion Hende Muher den Dificultad (FHMD) a anuncia di
lo continua apoyando e fundacion importante aki.

E apoyo aki lo ta den forma di subsidio y den yena cierto funcionnan critico y crucial pa e bon
funcionamento di e fundacion aki, segun un comunicado for di ministerio di e ministro.
”Mester continua dunando apoyo na hende muhernan cu ta pasa den abuso.
”Esaki ta algo cu mester stop, pero mientras e sigui sosode nos mester por tin un Centro pa nan
proteccion y guia”, Minister Paul Croes a bisa, segun e comunicado.
“Recientemente nos a logra 15.000 Florin adicional caba pa e fundacion aki cu e Feria Social.
Awo nos lo sigui apoya e fundacion aki, pasobra su meta ta hopi importante. Unda tin abuso ta
sosode, nos mester por yuda”, Croes a indica.
Cu e decision di conseho di ministronan e fundacion lo conta cu mas personal y lo ta mihor
prepara pa trata cu e clientenan, segun e comunicado cu a sigui splica cu Minister Paul Croes ta
mustra cu berdaderamente finanzas di nos pais ta importante, pero esaki no por bay a costo di
servicionan importante den e sector social.
“Como Minister di Asuntonan Social esey ta mi tarea. Mustra gobierno, instancianan priva,
NGO’s riba e necesidad social di nos pais. Esaki ta un otro ehempel”, Minister Paul Croes a
conclui.
http://www.diario.aw/2015/07/fundacion-hende-muher-den-dificultad-lo-sigui-ricibi-apoyo/