Page 18 - Min.On Dec 30, 2014
P. 18
Enseñansa Secundario
Pa loke ta trata scol secundario, tabata varios desaroyo grandi durante 2014. A yega na un solucion
tocante e asunto di reconocimento di HAVO/VWO diploma na Hulanda y a introduci un plan di maneho
y implementacion hunto cu tur stakeholders pa HAVO-VWO. Banda di esaki, a instala un comision
Mavo-Havo pa yega na un solucion tocante e problematica di conexion entre Mavo y Havo. Pa yuda cu e
transicion, a aloca mas ora pa guia y sosten pa alumnonan di Mavo cu ta haci e transicion pa Havo, y a
introduci un Summerschool na Colegio Arubano pa facilita e transicion fe MAVO pa HAVO.
Na November 2014, a introduci un programa piloto di Traimerdia pa hoben na EPB San Nicolas
(Nascholse Opvang voor Jongeren). Na 2015, lo sigui expande e programa pa mas hoben por drenta den
e programa despues di scol.
Enseñansa Profesional
Pa hopi aña, e unico scol secundario pa studiantenan cu tin un problema pa siña tabata resorta bou di
Stichting EPB. Na aña 2014 a tuma e decicion pa pasa enseñansa special secundario (Aspirantopleiding)
for di Stichting EPB pa directiva di scolnan publico. Cu e transicion aki, lo sigui traha riba desaroyo di e
programa brindando asina mas opcion pa studiantenan di scol cu lo conoxe no solamente un cambio den
directiva, pero tambe den curiculo y nomber, y ta bira Scol Practico pa Ofishi (SPO).
A inicia cu un commissie EPI pa asina traha hunto cu tur actor riba e diferente puntonan di atencion pa
MBO na Aruba. Un di e puntonan importante cu ta trahando riba dje ta e implementacion di un structura
di cualificacion nobo pa beroepsonderwijs na Aruba. Cu esaki kier sigui garantisa un bon conexion cu
vervolgopleidingen na Hulanda pero tambe un bon conexion cu e necesidadnan di nos contexto y
mercado laboral na Aruba.
Enseñansa Superior
E area Enseñansa Superior a conoce varios desaroyo positivo incluyendo:
· Inicio di estudio pa maestro di Movecion y Salud pa Enseñansa Primario na IPA
· Extencion di contracto di colaboracion entre Universidad di Aruba y Universidad di South Carolina pa
stimula intercambio di studiante, docente y investigacion.
· State-to-State agreement entre Gobierno di Aruba y e estado di South Carolina cu ta haci posibel pa nos
studiantenan di Aruba por bay studia na cualkier Universidad of College na e estado di South Carolina pa
e tarifa local.
· Reforma di sistema di fiansa di estudio di Aruba (Arubalening) – introduccion di un Sistema mas
flexibel, cu mas opcion pa studiantenan y ahustacion di sumanan.
· Mehoracion den pakete di seguro pa studiantenan na un miho prijs cu un compania estableci na
Hulanda cu specialisacion den seguro pa studiantenan: Europeesche Verzekeringsmaatschappij y
InsureToStudy.
· Acuerdo cu Ministerio di Ensenansa di Hulanda pa areglo di pago flexibel pa ex-studiantenan di Aruba.
Aruba y Hulanda lo determina hunto e diferente detayes na comienso di 2015
Aña 2015 lo ta un aña yena cu reto y alabes oportunidadnan den e area di enseñansa. Minister Hooyboer-
Winklaar ta mira e aña nos dilanti cu hopi positivismo. “Den cualkier decision cu tuma relaciona cu
enseñansa, semper mester tene cuenta cu e bienestar di nos studiantenan. No ta tur decision lo ta facil,
pero ponieniendo nos studiantenan na prome luga lo yuda guia nos riba e caminda corecto. Esey ta nifica
un sistema di enseñansa incluso, unda tur mucha y hoben ta haya oportunidadnan igual. Esey ta e unico
sistema cu lo yuda nos progresa y e unico cu ami lo boga p'e.”
Pa loke ta trata scol secundario, tabata varios desaroyo grandi durante 2014. A yega na un solucion
tocante e asunto di reconocimento di HAVO/VWO diploma na Hulanda y a introduci un plan di maneho
y implementacion hunto cu tur stakeholders pa HAVO-VWO. Banda di esaki, a instala un comision
Mavo-Havo pa yega na un solucion tocante e problematica di conexion entre Mavo y Havo. Pa yuda cu e
transicion, a aloca mas ora pa guia y sosten pa alumnonan di Mavo cu ta haci e transicion pa Havo, y a
introduci un Summerschool na Colegio Arubano pa facilita e transicion fe MAVO pa HAVO.
Na November 2014, a introduci un programa piloto di Traimerdia pa hoben na EPB San Nicolas
(Nascholse Opvang voor Jongeren). Na 2015, lo sigui expande e programa pa mas hoben por drenta den
e programa despues di scol.
Enseñansa Profesional
Pa hopi aña, e unico scol secundario pa studiantenan cu tin un problema pa siña tabata resorta bou di
Stichting EPB. Na aña 2014 a tuma e decicion pa pasa enseñansa special secundario (Aspirantopleiding)
for di Stichting EPB pa directiva di scolnan publico. Cu e transicion aki, lo sigui traha riba desaroyo di e
programa brindando asina mas opcion pa studiantenan di scol cu lo conoxe no solamente un cambio den
directiva, pero tambe den curiculo y nomber, y ta bira Scol Practico pa Ofishi (SPO).
A inicia cu un commissie EPI pa asina traha hunto cu tur actor riba e diferente puntonan di atencion pa
MBO na Aruba. Un di e puntonan importante cu ta trahando riba dje ta e implementacion di un structura
di cualificacion nobo pa beroepsonderwijs na Aruba. Cu esaki kier sigui garantisa un bon conexion cu
vervolgopleidingen na Hulanda pero tambe un bon conexion cu e necesidadnan di nos contexto y
mercado laboral na Aruba.
Enseñansa Superior
E area Enseñansa Superior a conoce varios desaroyo positivo incluyendo:
· Inicio di estudio pa maestro di Movecion y Salud pa Enseñansa Primario na IPA
· Extencion di contracto di colaboracion entre Universidad di Aruba y Universidad di South Carolina pa
stimula intercambio di studiante, docente y investigacion.
· State-to-State agreement entre Gobierno di Aruba y e estado di South Carolina cu ta haci posibel pa nos
studiantenan di Aruba por bay studia na cualkier Universidad of College na e estado di South Carolina pa
e tarifa local.
· Reforma di sistema di fiansa di estudio di Aruba (Arubalening) – introduccion di un Sistema mas
flexibel, cu mas opcion pa studiantenan y ahustacion di sumanan.
· Mehoracion den pakete di seguro pa studiantenan na un miho prijs cu un compania estableci na
Hulanda cu specialisacion den seguro pa studiantenan: Europeesche Verzekeringsmaatschappij y
InsureToStudy.
· Acuerdo cu Ministerio di Ensenansa di Hulanda pa areglo di pago flexibel pa ex-studiantenan di Aruba.
Aruba y Hulanda lo determina hunto e diferente detayes na comienso di 2015
Aña 2015 lo ta un aña yena cu reto y alabes oportunidadnan den e area di enseñansa. Minister Hooyboer-
Winklaar ta mira e aña nos dilanti cu hopi positivismo. “Den cualkier decision cu tuma relaciona cu
enseñansa, semper mester tene cuenta cu e bienestar di nos studiantenan. No ta tur decision lo ta facil,
pero ponieniendo nos studiantenan na prome luga lo yuda guia nos riba e caminda corecto. Esey ta nifica
un sistema di enseñansa incluso, unda tur mucha y hoben ta haya oportunidadnan igual. Esey ta e unico
sistema cu lo yuda nos progresa y e unico cu ami lo boga p'e.”
