Page 8 - MIN WYATT RAS

AWEMainta Diaranson, 4 October 2017 5

Pa forma un Gobierno integro y transparente

Partijraad di partido MEP ta ratifica sosten

na sra. Evelyn Wever-Croes como nan lider

CONSEHO di Partido di MEP, den su reunion e
siman aki a reitera e mandato na lider di MEP, Evelyn
Wever-Croes, pa yega na un coalicion cu base amplio
cu partidonan RED y POR.

Esaki despues cu lider di partido y Presidente di
partido a duna un briefing di e reunion cu Informa-
dor, y principalmente mustrando rib’e problemanan
financiero serio cu Gobierno di Mike Eman tin Aruba
aden, y e falta di cumplimento severo di parti di
Gobierno di AVP.

Esaki ta pone hopi mas presion rib’e partidonan cu
kier ehecuta nan programa cu nan a bay eleccion
cun’e, pero cu e desaster financiero cu Mike Eman
ta lagando atras, por stroba.

Ya un dia despues di eleccion, conseho di partido a
duna e mandato na lider di MEP pa sondea e posi-
bilidadnan pa formacion di un coalicion.

Despues cu e disponibilidad a keda expresa pa tur tres
partido MEP POR y RED, y e formacion a drenta den
e siguiente fase, lider di MEP a bolbe busca mandato
y aprobacion di conseho di partido pa continua.

Mester remarca cu tur miembro di partijraad a duna
nan sosten n’e proceso aki, y tur rumor cu si tin
problema interno den partido MEP, ta falso.
MEP ta mas solido cu nunca, y den bon dialogo y
transparencia, ta canando e caminda di formacion di
Gobierno, cu cabes frieu y cu seriedad.

Partido MEP ta sumamente orguyoso di su lider y e
forma con e ta atendiendo cu e proceso aki, y a reitera
su sosten na Evelyn Wever-Croes.