Page 3 - HOH

8 LOCAL AWEMainta
Sin yiu pa escogencia of pa circunstancia?
E storia no conta di hende homber y paternidad
DEN un mundo cu cada biaha ta defende escogencia
personal y igualdad, e decision di tin yiu no ta wordo tuma
mas como algo di mes. Mientras cu autonomia reproductivo
di hende muhe a tuma su luga corecto den discurso publico,
tin un parti ignora di e combersacion: e hende hombernan
cu ta silenciosamente aleha for di paternidad — no semper
pa conviccion personal, sino for di un profundo respet pa
nan pareha. Esakinan ta hende hombernan cu kisas a soña
di ta tata, pero a scoge amor, lealtad, of circunstancianan di
bida en bes di esey.
Tin, claro, hende hombernan cu activamente ta dicidi di
no tin yiu. Nan rasonnan ta varia. Algun ta cita e carga
economico — lanta un yiu por costa cientos di miles den
un bida. Otronan ta duna prioridad na nan carera, bienestar
mental, of un estilo di bida centra rond di biahe, creatividad,
Diabierna, 13 Juni 2025
of independencia. Un cantidad creciente ta señala preocu-
pacionnan ambiental, citando e etica di trece bida nobo den
un mundo cu ya caba ta enfrentando catastrofe climatico.
Despues tin esnan kende nan historianan personal — marca
pa tatanan ausente of abusivo — ta hiba nan pa consciente-
mente kibra e ciclo dor di scoge pa no bira mayor di ningun
manera.
E hende hombernan no menciona: Sin yiu pa nan pareha
Pero tin otro grupo cu nos no ta papia suficiente di dje:
hende hombernan cu ta habri pa, of hasta ansioso pa, pater-
nidad — pero ta hala atras ora nan pareha ta bisa no. E
hende hombernan aki no ta liber di yiu pa preferencia; nan
ta liber di yiu pa partnership. Sea ta debi na riesgonan di
salud, preparacion emocional, of e creencia inkebrantabel di
un hende muhe cu maternidad no ta p’e, e hende hombernan
aki ta scoge pa no presiona. Nan no ta coerciona of roga.
Nan ta scoge respet riba resentimento. Y nan ta haci esey cu
un dignidad trankil cu ta merece mas reconocemento.
E decision aki, sinembargo, no ta sin costo emocional. E
hende hombernan aki no ta djis laga un rol bay — nan ta
yorando un version di futuro cu nunca lo bira realidad. Y
sinembargo, pasobra sociedad hopi biaha ta iguala homber
cu exito financiero of conkista sexual, e impacto emocional
di no bira tata hopi biaha ta wordo desestima. No tin grupo
di sosten, ningun ritual cultural, ningun narativa compasivo.
En bes di esey, ta spera cu nan lo “super’e” of ta gradi-
cido pa nan libertad. Pero pa algun, e dolor di paternidad no
realisa ta keda.
Un balans necesario y e rol di hende homber den patern-
idad
E punto mas grandi aki ta balansa. Esaki no ta un yamada pa
cambia poder di decision of cuestiona e derecho di un hende
muhe pa scoge kico ta pasa cu su curpa. E ta un suplica pa
expande e combersacion — pa inclui hende homber como
participante emocional den e decision pa bira, of no bira,
mayor.
E idea cu hende homber no tin un interes den e asunto mas
leu di responsabilidad financiero ta anticua. Si nos berdad-
eramente ta balora partnerships, igualdad, y honestidad
emocional den relacionnan, nos mester haci espacio pa
e storianan di hende homber cu a stima suficientemente
profundo pa laga bay paternidad. Pasobra tin biaha, scoge
pa no ta tata no ta tocante egoismo of miedo — e ta tocante
amor, respet, y sacrificio.