Page 13 - DIMP

den actuacion di Reino cu tabata tin mas cu suficiente motibo pa bisa cu “ta basta” pa
loke ta trata e maneho financiero di Aruba.

Pa evita cu na momento cu Aruba ta pasa den un situacion sumamente dificil a base di

e coronavirus nobo, awe DIARIO ta bolbe un rato den historia pa refresca memoria di
tur hende y evita cu mas tempo precioso di pueblo ta bay perdi.
Despues cu na 2010 a baha BBO y a busca un prestamo di casi 100 Miyon pa cera e
buraco, Aruba a cuminsa sink den un abismo gubernamental.

Na 2013 ya situacion di Aruba tabata sumamente preocupante y expertonan a cuminsa
adverti pa loke por pasa cu e pais riba tereno financiero.

Na 2014, despues di e eleccionnan di 2013, berdad a bini dilanti y Conseho Social
Economico cu a wordo consulta, a mustra riba un pakete di medida cu a bira necesario.
Den e pakete aki a papia di diferente medida cu mester a tuma y sigur di belastingnan
nobo.

Uno di e belastingnan cu e tempo a mira luz di bida a base di e rapport aki, tabata
Sugar Tax, belasting riba productonan cu sucu cu a wordo carga dor di gobierno
anterior como promesa pa futuro.

Laga Aruba no gaña su mes awe! Hulanda tabata tin motibo di interveni y pone orden
financiero. Aruba tabata na caminda pa desaster cu un debe nacional creciente cu awe
mester paga.

Ademas Aruba tabata aumenta su pakete di gasto sin tene cuenta cu realidad. Hospital
Nobo cu un base financiero sumamente exigente y un suma enorme cu pueblo mester
paga den e proximo añanan na supuesto huur di un compania di gobierno pa otro. E

tabata parti di e famoso sombre magico di e proyecto Bo Aruba, caminda sin busca
alternativa mas barata, a spart placa di pueblo.

Na 2015 tabata un hecho cu Aruba tabata den problema serio pero Nicolas Maduro a

logra scapa e situacion cu e aventura di Citgo pa cual henter mundo a adverti pero cu
segun gobierno anterior lo a produci un crecemento economico di 15 porciento.