Page 12 - HOH_Neat
P. 12
6 AWEMainta Diaranson, 9 Mei 2018
Esnan cu tin duda si un carni of algo di
come ta real of di plastic mester hibe DVG
DESPUES cu a crea panico bou di e poblacion bisando
cu tin cargamento di aros di plastic ta wordo exporta for
di China pa diferente pais, a sigui turno di diferente otro
producto.
Den e caso di aros, a haci un investigacion y a logra haya
e marca riba e filmacion y a constata cu tabata un Fake
News. Despues tabatin e caso di pisca Tilapia cu tabata
parce catuna. Esaki a wordo mira solamente riba Face-
book, aunke nan ta bisa cu ta na Aruba, e material cu a
wordo denuncia nunca a wordo hiba na Salubridad Pu-
blico pa haci e debido investigacion.
E biaha aki riba video di Facebook ta mustra un cum-
inda cu ta wordo haci cu ta mustra manera mondongo di
plastic. Relacionista Publico DVG Jurette Croes a bisa cu
nan ta sperando di por haya keho of e material pa haci e
investigacionnan necesario. El a splica cu por pone e cos-
nan aki riba Facebook pero si no haci denuncia na DVG y
trece e producto en cuestion, no por haci nada.
Den e caso aki a contact e personanan y a pidi nan pa
trece e producto na DVG pa e departamento concerni por
haci e investigacion necesario.
Ceremonia di despedida
na Costa Rica di presidente
saliente Luis Guillermo Solis
DIALUNA ultimo a tuma luga na Costa Rica un ceremonia na
unda e Presidente saliente Luis Guillermo Solis a tuma despedida
oficial. Prome Minister di Aruba Evelyn Wever-Croes tambe tawata
invita pa e acto aki pa representa Reino.
Na e ocacion aki, Prome Minister a haya e oportunidad pa conbersa
cu varios otro Presidente y Vice Presidente di paisnan bisiña. Den
conbersacionnan a enfoca riba temanan importante di cooperacion.
Pa loke ta trata Costa Rica, a enfatisa e importancia pa soluciona e
tema di reconocemento di e diplomanan. Autoridadnan Costaricense
tambe a duna nan palabra cu di nan parti nan lo traha riba esaki pa
asina trata pa yega na palabracionnan cu otro paisnan tambe.
E anochi di despedida di señor Solis tawata hopi ameno unda cu por
a nota di e varios conbersacionnan cu Prome Minister a hiba, cu e
laso entre Aruba y Costa Rica ta hopi estrecho.
