Page 50 - HOH

ORANJESTAD (AAN): Monique Giel-Labad, kende ta verpleegkundige tienerconsulent na
Wit Gele Kruis, a splica cu cifranan di 2018 pa 2019 no a cambia mucho pero si e edad
ta keda un reto grandi.

Si mira back na 2019, por mira cu a cera e cantidad na 72 caso. Sorprendentemente
esaki ta e mesun cantidad cu tabatin na 2018. El a keda mescos. Segun Giel-Labad,
nan ta contento cu e cifra ‘72’, pasobra el a logra keda bao di cifra di 100.

Pa 2019 ainda no a traha full riba e cifranan, pero si sa con el a bay.

Den casonan cu WGK a haya ta atende cune, ta situacionnan no mas complica compara
cu 2018. Tabatin tres caso hopi serio di menor di edad (uno di 12 aña, y dos di 13

aña), unda bo ta observa e caso y situacion, e ta uno cu mester a traha toch basta pisa
riba dje. Na final un di e menornan a bay back su lugar, y e otro a haya un aborto
espontaneo, y esun di 12 aña tambe.

Si check e casonan, ta situacionnan cu toch muchanan cu a lanta nan so (sin nan
network), muchanan cu tabata den situacion dificil, algun cu tin ‘bagage’, cu ta mustra
cu nunca a haya atencion na ca sy ta busca atencion riba caya of na bisiña of cerca
hombernan cu toch a trece unda abuso sexual a cay aden, unda a sali na estado di un

mayor di edad (20 aña bay ariba).

Aki por mira cu e ta un parti complica, ademas di e ‘bagage’ cu e mucha tin cune.

Si check back patras por nota cu tabata haya muchanan di 14, 15, y 16 aña di
edad. Tambe tabata haya hobennan di 18 y 19 aña, cu ya caba ta mayor di edad pero
toch tin bagage, y nan mester di ayudo

Monique a splica cu nan doelgroep di WGK semper tabata pa hobennan te cu 19 aña di
edad.

El a splica cu ora nan nota cu e hobennan di 18 aña ta bayendo bon riba guia, y e plan

di guia ta dunando resultado, y ta siguiendo bon cu nan yiu, e ora WGK ta cera e caso.