Page 51 - HOH

E muchanan di 13 pa 16 aña si ta keda haya guia di WGK cu nan yiunan. Nan no tin
perspectiva di futuro, y esey ta algo cu nan ta traha riba nan cu nan pa nan por haya
mihor bista pa nan futuro.

Algo cu ta nota cu e muchanan aki kier bay bek scol, pero e situacion cu nan yiu no ta
permiti. Aki ta referi cu ora nan sali na estado, tin di percura pa nan alimenta nan mes
bon, cuida nan embarazo, y ta mihor nan keda cas.

Despues di haya yiu y ta cla pa bin scol, toch nan ta topa cu situacion cu nan no por
bay scol mas. Pasobra e situacion financiero ta dificil y esey ta forza nan pa bay busca
trabao pa por haya entrada, pa cumpra lechi y bruki.

Ora e ta menor di edad (16 aña), nan no por haya trabao. Si acaso kier combina scol
y trabao, esaki ta bira hopi dificil.

E parti aki cu WGK ta duna den charla pa asina pone muchanan bira conciente cu bida

como Mama hoben no ta facil na Aruba, principalmente e parti financiero.

Algun stagiere di Hulanda cu ta bin WGK na Aruba, ta observa e comportacion di e
muchanan cu a haya yiu, y lo bay check si acaso e embarazonan aki tabata planea of

no. Ainda e resultado e investigacion no ta cla, pero a conclui si cu mayoria caso di
mamanan hoben ta di embarazo no-planea.

Aki ta unda cu WGK ta traha duro pa concientiza hobennan cu ora nan ta bay tene

relacion sin proteccion cu e riesgo cu bo ta sali na estado ta hopi grandi.

https://www.diario.aw/2020/01/keto-bay-wgk-ta-sigui-haya-mesun-cantidad-di-mamanan-hoben-pa-
yuda/