Page 12 - MIN ON 22 DEC 2015

24 AWEMainta Diamars, 22 December 2015

Promer espacio publico pa diseño y fabricacion digital na Aruba

Makerspace Brenchie’s
Lab ta habri na januari

METABOLIC Foundation, Academia di Fine Arts

& Design Aruba y UNOCA ta anuncia cu den luna
di januari lo habri e Makerspace Brenchie’s Lab
na e Fine Arts & Design Academy.

“Makerspaces” ta espacionan cu ta combina eki-
ponan pa facilita e proceso pa crea obhetonan
for di ideanan. E Makerspace Brenchie’s Lab lo
ofrece e software pa diseña producto y e ma-
chinenan pa traha nan. E meta di e espacio ta pa
siña dor di purba y asina capacita studiantenan
y otro miembro di nos comunidad pa diseña y
implementa proyectonan unico facilmente. Lo
ofrece acceso na software y hermentnan pa 3D
printing, laser cutting y engraving, CNC routing,
wall drawing robots y micro controllers manera
arduino y raspberry pi.

E Brenchie’s Lab lo forma parti di e curriculum
di e academia den e curso di “Digital Segrega-
tion” cu ta parti di e estudio di diseño grafico.
Studiantenan di e academia lo tin oportunidad
pa siña utilisa ekiponan moderno. Ademas, e
espacio lo ta habri pa publico un biaha pa siman
p’esnan interesa por uza e machinenan aki cu
guia profesional.
Brenchie’s Lab ta un espacio unda artistanan,
ingenieronan, arkitectonan, cientificonan, ho-
bennan y tur persona interesa por traha “side-by-
side”, colabora, experimenta y haci nan ideanan
un realidad. E vision ta pa tin espacionnan cu ta
promove desaroyo comunitario di creatividad y
innovacion. Unda nos comunidad lo tin acceso
na e hermentnan pa tur hende por ta activo den e
diseño di nos entorno. Pa inventonan cu ta sali for
di nos comunidad contribui na un nivel mundial.

Ta pidi tur hende interesa den e proyecto aki pa
duna nan sugerencia via un encuesta cu por yena
rib’e pagina di Facebook di UNOCA, p’asina por
brinda un mihor servicio y experiencia ora e Lab
habri den luna di januari.
Tambe ta invita tur interesa pa e introduccion di
e Open House, diasabra 9 di januari for di 7’or pa
10’or di anochi na e Fine Arts & Design Academy.