Page 9 - MIN ON 22 DEC 2015

Pagina 22 December 2015

MAKERSPACE “BRENCHIE’S LAB” TA HABRI NA JANUARI

PROMER ESPACIO PUBLICO PA DISEÑO Y FABRICACION

Metabolic Foundation, Academia di Fine Arts & Design
Aruba y UNOCA ta anuncia cu den luna di Januari lo
habri e Makerspace “BRENCHIE’S LAB” na e Fine
Arts and Design Academy.

“Makerspaces” ta espacionan cu ta combina ekiponan
pa facilita e proceso pa crea obhetonan for di ideanan.
E Makerspace Brenchie’s Lab lo ofrece e software pa
diseña productonan y e machinan pa trahanan. E meta
di e espacio ta pa siña door di purba y asina capacita
studiantenan y otro miembro di nos comunidad pa
diseña y implementa proyectonan unico facilmente.
Lo ofrece acceso na software y hermentnan pa 3D
printing, laser cutting y engraving, CNC routing, wall
drawing robots y micro controllers mane arduino y
raspberry pi.

E Brenchie’s lab lo forma parti di e curriculum di e
academia den e curso di “Digital Segregation” cu ta
parti di e estudio di diseño grafico. Studiantenan di e
academia lo tin oportunidad pa siña utilisa ekiponan
moderno. Ademas e espacio lo ta habri pa publico
un biaha pa siman pa esnan interesa por uza e
machinenan aki cu guia professional. BRENCHIE’S
LAB ta un espacio unda artistanan, ingenieronan,
architectnan, cientificonan, hobenan y tur persona
interesa por traha “side by side”, colabora, experimenta
y haci nan ideanan un realidad. E vision ta pa tin
espacionan cu ta promove desaroyo comunitario di
creatividad y innovacion
. Unda nos comunidad lo tin
acceso na e hermentnan pa tur hende por ta activo
den e diseño di nos entorno. Pa inventonan cu ta sali
for di nos comunidad contribui na un nivel mundial.

Ta pidi tur hende interesa den e proyecto aki pa duna
nan sugerencia via un encuesta cu por yena riba e
facebook page di UNOCA, pa asina por brinda un
mihor servicio y experiencia ora e lab habri den luna di
Januari. Tambe ta invita tur interesa pa e introduccion
di e Open House, diasabra 9 di Januari di 7pm pa
10 pm na e Fine Arts and Design Academy.Pa mas
informacion di e BRENCHIE’S LAB por bishita http://
www.brenchies.com of email e academia diFine Arts
and Design Academy na stichting.rietveld.aruba@
gmail.com.