Page 12 - AWEMAINTA

12
Enfrentamento entre consehero di Minister
Romero y Parlamentario tabata mas tanto un
herida bieu cu a bolbe haci dolor
AWEMainta Diabierna, 13 April 2018
AYERA a circula un noticia unda cu apar-
entemente lo presenta un situacion di pleito
entre 2 participante di un reunion di Comis-
ion Fiho di Transporte di Parlamento.
Dicho reunion tabata entre esnan cu ta con-
stitui e Comision aki y Minister di Trans-
porte, esta sr. Chris Romero.
Ta asina cu durante e reunion a bin dilanti
un tiramento di palabra entre ex integrante
di partido RED y awe consehero di Minister
Romero, Luigi Bergen, y e actual lider di Par-
tido RED, Ricardo Croes.
Aparentemente e tiramento di palabra tabata
basa riba cosnan cu a keda den laira despues
di e salida di sr. Bergen for di partido RED,
cu nunca a papia di nan prome y hustamente
durante e reunion cu Minister Romero esaki-
nan a bin dilanti di un of otro forma.
E tension a crece te na e punto cu Ricardo
Croes lo a punta dede den Luigi bergen su
cara y aki ta unda e consehero di Minister
Romero a para e Parlamentario bis’e cu e no
ta acepta e trato aki for di dje.
Esnan presente a intermedia entre e dos ca-
bayeronan pa e situacion no sali completa-
mente for di man y dado momento Ricardo
Croes a recohe su cosnan y bandona e sala di
reunion.
Por a nota cu durante dia ayera sr. Ricardo
Croes a post un potret riba Facebook ta duna
man na Luigi Bergen unda cu a demostra cu
e dos politiconan aki a hasi pas cu otro.