Page 23 - MIN VOS_Neat
P. 23
Atletanan di Taekwondo a saca
potret na Chuncheon
10 July, 2017
0
Den fin di siman e team di Train Hard Fight Smart cu ta na Korea bou guia di
Henk Meijer a bishita e Tempel Cheongpyeongsa na Chuncheon, Korea pa saca
potret pa e Calender di aña 2018 di Brazil Taekwondo Stichting.Henk Meijer a
scoge e tempel aki door cu e ta situa na Chuncheon, mirando cu e campeonato
a caba nan a dicidi di bishita e tempel aki pa saca potret na diferente area rond
di dje. Pa yega na e tempel nan mester a core mas of menos 15 minuut den
auto for di e guest house pa despues cana un otro 15 minuut pa yega na e
tempel mes. Ora cu nan tabata subi e sero nan a cuminsa mira tur e luganan y
a dicidi e ora ey na unda tur nan lo saca potret y ora cu nan a yega na e tempel
mes tabata tin un ceremonia andando di e Monksnan moderno cu nan kedsnan
di marca bisti. E tempo tabata na awa constantemente y a haci dificil pa logra
saca potret. Tabata tin algun potret cu e atletanan mester a para 2 minuut keto
keto pa asina por a logra saca e potret corecto.
Awor cu esaki ta tras di lomba nos lo sigui saca potret na Seoul, Henk Meijer ta
bay scoge e luganan cu nan lo bay bishita pa saca mas potret. E idea ta pa saca
mas hopi potret cu ta posibel pa despues por tin hopi variacion. Ora cu tur
potret ta cla lo acerca Grand Master y e otro Masternan na Aruba pa nan scoge
e potretnan, esaki lo wordo haci durante reunion di Brazil Taekwondo Stichting
y tur e potretnan cu mas hopi punto lo wordo poni den e Calender di aña 2018
di Brazil Taekwondo Stichting.
