Page 26 - MIN VOS_Neat

Bureau MFA A Presenta Charla Conhuntamente Cu
Club Kibrahacha 60+

 Local
 Social

- 09/07/2017

Bureau MFA conhuntamente cu Club Kibrahacha 60+ a organisa un charla encuanto e
tema “Tecnologia Moderno” pa nos grandinan na MFA Paradera y MFA Noord.
E oradornan invita pa e sesion aki tabata sr. Evan Giel di Setar N.V., sr. Edward Erasmus
di Free Zone Aruba y sr. Jeffrey Matos di Club Kibrahacha 60+.

Durante e charla e expertonan a duna splicacion di e importancia pa sigui e cambionan cu
lo facilita nos bida diario den e mundo di tecnologia. A duna splicacion e. o. di e
diferente plataforma di social media, manera Facebook y Whatsapp cu ta wordo uza
diariamente como tambe aspectonan di diferente telefon. Esnan presente a haya chens di
haci pregunta y tabata hopi interesa den e tema presenta.

Mision di Bureau MFA ta pa ofrece diferente servicio sea publico of priva mas efectivo y
mas cerca di cas y tambe promove y facilita e participacion y interaccion social y cultural
di e ciudadanonan den comunidad sea cu actividadnan educativo, recreativo y
social/cultural pa tur edad. P’e temporada di vakantie Bureau MFA ta organisando un
serie di “Anochi di Cine” pa mucha y mayornan. Keda pendiente pa mas informacion den
e siguiente simannan.