Page 48 - EXTRA19DEC2015

48 Djasabra 19 Desèmber 2015

...Minister Eugene Rhuggenaath...

DESISHON FINAL NO A KAI AINDA
PA RIF RESORT/MARRIOTT

WILLEMSTAD.- Benta Resort i Marriott Hotèl basta ko’i bisa den e proseso
d i R i f R e s o r t n o t a splikando ku e kadena tin aki.
konkluí ainda i por bisa
únikamente ku e proseso
ta drentando etapa final
di akuerdo ku minister
Eugene Rhuggenaath den
parlamento kaminda ta
trata presupuesto 2016 di
entre otro su ministerio.

El a splika ku e proseso
pa bende Rif Resort ta
kordiná pa un tim di
ministerio di Finansa ku
ta tene nan di Desaroyo
Ekonómiko na altura.

E echo ku nada no ta
disidí ainda ta nifiká ku no
por bisa nada tampoko riba
plannan ku e doño nobo lo
por tin ku e hotèl, minister
Eugene Rhuggenaath a
splika.

E titular di Desaroyo
Ekonómiko no a identifiká
e dos gruponan ku a keda
den tapara pa kumpra e
propiedat.

Informashon ku EXTRA
ta disponé di dje ta indiká
ku Orco Bank i Loewenstein
Group ta interesá pa kumpra
e propiedat.

Gerrit Schotte den sala
a insistí ku ya e benta ta
un echo i ku e doño nobo lo
sera e hotèl pa un periodo
di 14 luna pa trabounan
nesesario di renobashon pa
despues habri bek.

240 trahadó segun Gerrit
Schotte lo ta riba kaya pa
e periodo aki, i ta di mira
kuantu lo haña trabou
bek dia Marriott habri su
portanan bek.

Minister Eugene
Rhuggenaath riba e
partikularidat aki a rekonosé
ku un eventual seramentu
dje hotèl enkuestion lo
tin impakto negativo riba
ekonomia di Kòrsou. Den
mesun rosea e titular di
Desaroyo Ekonómiko a
ripití ku ningun desishon no
a kai ainda i ta prematuro
pa kuminsá spekulá riba
plannan di un doño nobo
di Rif Resort ku ainda no a
haña e status aki sikiera.

El a indiká ku den promé
kuartal di 2016 desishon
final lo kai pa loke ta Rif