Page 13 - KPA Feb 11,2015
P. 13
4 AWEMainta Diaranson, 11 Februari 2015
Pa haya claridad di loke cu a pasa y
pa no sconde nada
Polis di
Trafico a
organisa un
reconstruccion
di dos auto di polis cu a dal den otro
DEN nos edicion di ayera caba, nos a bisa cu Minister di Husticia,
mr. drs. Arthur Dowers no ta nada contento di e accidente cu a
tuma lugar diasabra madruga riba Isaac Wagemakerstraat, entre
dos auto SUV di Polis.
E investigacion ta pa clarifica loke a pasa, pasobra ta dificil pa
kere cu dos Polis, por ta core den un forma iresponsabel, anto
riba dje pa kibra dos auto di polis, cu maske nan ta di lease, ta
costa Gobierno placa.
Mando di Polis di Trafico, no kier pa pueblo kere cu como ta trata
di polis, cu nan lo sconde e hecho aki. No, Polis di Trafico kier
manda un mensahe bon cla, cu aki tin transpariencia y cu ora cu
e investigacion ta cla, lo informa tambe kico a pasa y ki paso lo
tuma, cu ta den man di Mando Policial.
Di mes tin masha noticia negativo cu loke cu a pasa cu e ex-
Presidente di SPA, ex-polis Guilfred Besaril, te cu tin papia cu
su ex-coleganan a tapa p’e, y a keda sin bay buske na su cas,
a sabiendas cu e tabata burachi y pesey el a bandona sitio di
accidente.
Esaki so caba, a laga un mancha inecesario riba Cuerpo Policial,
pa awor bin kere cu loke cu a pasa diasabra marduga ta misterioso
y cu polis hasta lo kier tapa e hecho aki.
Mando Policial no ta comparti e opinion aki y a demanda pa un
investigacion y nan a haya yudanza tambe di e compania di TRS,
cu tin un ex-polis na cabez y como tal sa kico ta kico.
Tin informacion cu te hasta un di nan a core bay sconde un di e
autonan na Garage Cordia, pero no a logra.
Ayera mainta e dos autonan a wordo saca bek for di Garage
Cordia y hiba n’e sitio di accidente, unda a haci e investigacion,
conduci pa Polis di Trafico, expertonan den trafico y experto di
compania di seguro pa sa kico realmente a sosode.
No por sconde e sucedido aki, mas ainda si tin autonan di polis
envolvi, cu manera ya menciona, mester tin transpariencia den
e caso aki. Polis a sera e area den Isaac Wagemakerstraat pa
reconstrui tur cos di nobo cu presencia di e agentenan envolvi.
E daño material ta cuantioso pa ambos auto.
Mirando cu un di e patruyenan policial no a duna preferencia na
otro. Ta indica dos cos. Esta cu e dos polisnan na wiel, tabata haci
wega, causando cu nan tabata iresponsabel den nan maniobra y
no por a domina e stuur y asina a dal den otro.
Si resulta cu esaki t’e caso, por nifica cu e polisnan responsabel,
mester bay carga cu e gastonan. Y ta depende di Mando Policial,
si lo tuma medida disciplinario riba nan tambe.
Pa haya claridad di loke cu a pasa y
pa no sconde nada
Polis di
Trafico a
organisa un
reconstruccion
di dos auto di polis cu a dal den otro
DEN nos edicion di ayera caba, nos a bisa cu Minister di Husticia,
mr. drs. Arthur Dowers no ta nada contento di e accidente cu a
tuma lugar diasabra madruga riba Isaac Wagemakerstraat, entre
dos auto SUV di Polis.
E investigacion ta pa clarifica loke a pasa, pasobra ta dificil pa
kere cu dos Polis, por ta core den un forma iresponsabel, anto
riba dje pa kibra dos auto di polis, cu maske nan ta di lease, ta
costa Gobierno placa.
Mando di Polis di Trafico, no kier pa pueblo kere cu como ta trata
di polis, cu nan lo sconde e hecho aki. No, Polis di Trafico kier
manda un mensahe bon cla, cu aki tin transpariencia y cu ora cu
e investigacion ta cla, lo informa tambe kico a pasa y ki paso lo
tuma, cu ta den man di Mando Policial.
Di mes tin masha noticia negativo cu loke cu a pasa cu e ex-
Presidente di SPA, ex-polis Guilfred Besaril, te cu tin papia cu
su ex-coleganan a tapa p’e, y a keda sin bay buske na su cas,
a sabiendas cu e tabata burachi y pesey el a bandona sitio di
accidente.
Esaki so caba, a laga un mancha inecesario riba Cuerpo Policial,
pa awor bin kere cu loke cu a pasa diasabra marduga ta misterioso
y cu polis hasta lo kier tapa e hecho aki.
Mando Policial no ta comparti e opinion aki y a demanda pa un
investigacion y nan a haya yudanza tambe di e compania di TRS,
cu tin un ex-polis na cabez y como tal sa kico ta kico.
Tin informacion cu te hasta un di nan a core bay sconde un di e
autonan na Garage Cordia, pero no a logra.
Ayera mainta e dos autonan a wordo saca bek for di Garage
Cordia y hiba n’e sitio di accidente, unda a haci e investigacion,
conduci pa Polis di Trafico, expertonan den trafico y experto di
compania di seguro pa sa kico realmente a sosode.
No por sconde e sucedido aki, mas ainda si tin autonan di polis
envolvi, cu manera ya menciona, mester tin transpariencia den
e caso aki. Polis a sera e area den Isaac Wagemakerstraat pa
reconstrui tur cos di nobo cu presencia di e agentenan envolvi.
E daño material ta cuantioso pa ambos auto.
Mirando cu un di e patruyenan policial no a duna preferencia na
otro. Ta indica dos cos. Esta cu e dos polisnan na wiel, tabata haci
wega, causando cu nan tabata iresponsabel den nan maniobra y
no por a domina e stuur y asina a dal den otro.
Si resulta cu esaki t’e caso, por nifica cu e polisnan responsabel,
mester bay carga cu e gastonan. Y ta depende di Mando Policial,
si lo tuma medida disciplinario riba nan tambe.
