Page 14 - HOH

Den luna di november e programa PRISMA ta sigui cu su plan di conscientisacion riba e

malesa cronico di PRISMA. Na cabes di e programa aki ta Charlene Leslie di Fundacion

Diabetisch Aruba.

PRISMA ta para pa Proactive Interdisciplinaire Self Management. FDA ta kier a invita

tur e personanan cu tin diabetis tipo 2 pa participa den e programa aki. E ta encera un

curso di dos mita dia durante cual lo duna informacion y hermentnan necesario pa

maneha e diabetis na e miho manera pa cada persona. Manera e slogan ta bisa,

“PRISMA Aruba t’ey pa yudabo! Registra awe mes riba www.fdaruba.com! PRISMA ta

papia di Proactivo pasobra e pashent ta participa activamente. Interdisciplinario pasobra

diferente dunado di cuido ta traha hunto pa duna e curso aki. Y Maneho Propio kiermen

cu FDA kier duna e pashent e responsabilidad pa e mes scoge con pa anda cu

diabetes. PRISMA ta pa cada persona diagnostica cu Diabetes tipo 2, cu ta motiva pa

tuma responsabilidad di e malesa y influencia e factornan di riesgo.

Ta duna PRISMA den grupo chikito di mas o menos 10 persona cu nan pareha of un

miembro di famia, den un ambiente trankil y amabel. Den grupo chikito bo ta sinti bo

mas comodo y ta placentero pa topa cu hende cu ta den mesun situacion cu bo. Bo por

siña di otro y otronan por siña dibo, yuda otro y comparti ideanan den e encuentronan.
Durante PRISMA bo ta ricibi contesta riba bo preguntanan, haya conocemento y

habilidad practico y bo ta wordo apoya pa haci bon decision pa baha riesgo pa malesa di

curason y ader. PRISMA ta duna e espacio pa papia di bo preocupacionnan y busca

diferente manera pa haya yudansa cu bo diabetes. E encuentronan ta wordo guia pa 2

dunado di cuido, esaki lo ta un enfermera diabetico, dietista, fisioterapista, boticario,

“praktijkondersteuner” y/of un dokter di cas. E trainernan t’ey pa yuda bo, pa amplia bo

conocemento y mustra bo e opcionnan pa keda saludabel. Leslie a splica cu contenido