Page 15 - HOH
P. 15
di PRISMA ta wordo crea a base di e actividadnan di grupo unda bo ta wordo invita pa
pensa y dialoga activamente. Duracion di e encuentronan ta dos mita dia (4 ora) durante
dos siman (en total 8 ora). Despues di e dos encuentronan bo ta miho prepara pa tuma
decisionan pa un bon cuido di bo propio salud.
Manera menciona caba, diabetis ta un di e malesanan cronico preocupante na Aruba.
Charlene Leslie a splica cu e ultimo cifranan di AZV ta mustra cu cada aña tin 200
pashent extra di tipo 2 cu ta uzando remedi. Esaki ta bini door di diferente factornan di
riesgo, manera e estilo di bida (cu por haci cambio den dje), pero tambe tin e parti
genetico (hereditario) cu no tin influencia riba dje.
E programa ta enfoca riba diabetis tipo 2. Tin tres curso mas pa e aña’ki, cuminsando e
luna aki. Tin esnan di 4 y 11 di november na MFA Paradera; 9 y 16 di november na
MFA Sta Cruz y riba dianan 20 y 27 di november na IBISA Oranjestad. Esnan cu kier
participa den e curso por participa via di e website: www.fdaruba.com of yama 5665045
of na info@fdaruba.com
Gasto envolvi pa participa na PRISMA ta solamente Afl. 50,= pa persona (incluyendo un
pareha of miembro di famia). Esaki ta inclui e encuentro di dos mita dia durante dos
siman, buki di informacion y un plan di accion.
https://24ora.com/tres-curso-pa-pashentnan-di-diabetis-tipo-2-e-luna-aki/
