Page 24 - Min.On 5 Feb"15

Dangui Oduber cu placa di Green Corridor ta un fondo cu te na 2018 lo cuminsa paga. Asina mes e
parlamentario ta kere cu cosnan mester bai otro y enseñanza mester keda prioridad. Awor tur problema
ta wordo pusha den scochi di SKOA. E prome cu mester a wordo yama pa defende e asunto ta gobierno
cu un splicacion. Si tur dia tende e fraccion di AVP y prome minister papia ta comosifuera e pais aki ta
esun mas rico na mundo pero awor ta cobra y hisa tarifa pa scol

http://www.24ora.com/politica-mainmenu-18/91449-dangui-oduber-di-mep-nos-tey-pa-defende-
pueblo-contra-e-aumento-di-tarifa-pa-scol

SKOA no tin reserva y 250 florin ta 50% mas barata cu otro
scolnan di gobierno y protestant

W ednesday, 04 February 2015 22:30
Comparti

Durante e conferencia na SKOA mr. Bryan Coffie tabata e representante legal di SKOA. El a splica desde
decadanan atras e cobranza ta existi. E derecho riba enseñanza berdad ta dirigi riba gobierno cu ta firma
tratado internacional.
Ta tarea como gobierno pa tin enseñanza pa e muchanan. Mayornan cu mester ayudo y no por paga por
acudi na departamento di asuntonan social segun Bryan Coffie. SKOA no por dicta pa sociale zaken. E
bestuurnan anterior a absorba pero awendia tin otro factornan mirando cu e gastonan a crece. E reserva
di SKOA ta bashi segun e abogado. E ley di ensejanza oblligatorio ta e mayor mester zorg pa e yiu yega
scol depende e edad di e mucha. Esaki no ta un motibo pa e mucha keda sin paga e school geld. E 125
florin mester wordo paga ora di inscribi y despues te Juni tin espacio pa paga e diferencia. Den pasado
tabata tin mayornan cu no por a paga e suma y SKOA a tene cuenta cu esaki. E suma mester wordo paga
prome cu e aña escolar cuminsa. Nan ta habri pa papia cu gobierno si kier pone e suma. E suma aki ta
algo mas cu un miyon total cu e cobranza. Tin un tekort structural di un miyon florin tur aña. E suma
calcula riba e scolnan y cantidad di studiante ta cubri e buraco cu tin. Bryan Coffie durante e conferencia
a splica cu e situacion cu a topa cune tin di haber cu e aumentonan cu no a tuma lugar pero tambe cu e
placa di subsidio cu no ta yega. Ta un investigacion grandi a tuma lugar prome cu a yega na e paso pa
cobra. E tarifa tabata 75 florin pa base y scol secundario y pa kleuter ta 150 florin. Otro scolnan cu no ta
cay bou di SKOA ta cobra 600 florin cu ta mas cu SKOA. E parti di placa di airco ta bin 150 florin extra y
esaki no a cambia. E ta apart di e school geld di 250 florin. Tin un situacion cu no por paga y a yega di
keda sin paga. SKOA te caminda cu por ta tene cuenta cu esnan di menos recurso. Sociale Zaken a yega di
paga SKOA. Josette Daal directora di SKOA a splica cu e airconan den klas ta deseo di mayornan mes.
Tin tambe scolnan unda hopi trafico ta pasa y mester a pone airco den klas. A base di subsidio cu ta
wordo paga dor di gobierno no por cubri airco y coriente di e airco. E ta un aporte pa mantencion. SKOA
tin un total di 10500 alumno y reparti bou di 47 scol.

http://www.24ora.com/local-mainmenu-5/91453-skoa-no-tin-reserva-y-250-florin-ta-50-mas-barata-cu-
otro-scolnan-di-gobierno-y-protestant