Page 26 - Min.On 5 Feb"15

tereno deportivo, social y cultural, ta ricibi 90% di e subsidio prome y e resto (10%) despues cu CAD
aproba nan jaarverslagnan. Esaki ta un asunto cu ta rekeri un solucion hunto cu minister di finansa, pero
no ta bay soluciona e problema awo.
Pa soluciona e situacion pa cu e schoolgeld pa e aña binidero mester tin un analisis profundo di e
situacion financiero, e minister a bisa. SKOA ta bisa cu mester algo mas di un miyon y Minister
Hooyboer-Winklaar kier papia cu nan, laga haci e analisis pa asina e mes por bay bek tambe na
Ministerraad cu e proposicion pa e placa adicional pa 2015 y tambe pidi pa repasa e situacion pa wak kico
ainda tin pendiente na financieen cu SKOA mester ricibi ainda.

http://www.24ora.com/politica-mainmenu-18/91455-minister-michelle-hooyboer-gobierno-ta-
deliberando-cu-skoa-pa-sondea-unda-por-yuda

Minister Michelle Hooyboer a ricibi autor di De Duik

W ednesday, 04 February 2015 22:57
Comparti

E conocido escritor Hulandes Sjoerd Kuyper ta di bishita na Aruba pa haci entrega di su buki na
amantenan di bon lectura, entre otro Minister Michelle Hooyboer- Winklaar, den su calidad di Minister
di Enseñansa. E ta un amante ferviente di literatura y ta encurasha muchanan pa lesa mas tanto cu ta
posibel, dunando su sosten entre otro na Bon Nochi Drumi Dushi.

Sjoerd Kuyper no ta un desconoci na Aruba, el a skirbi Malmok, un buki pa mucha, 15 aña pasa. Pero
tambe e escritor ta popular entre e muchanan dor di su bishita durante e boekenweek na Aruba.
De Duik ta ilustra un cuenta futuristico di un mucha cu ta duik bao di e pondjes brug na Corsou na
bahada di solo y ta bay bek den tempo. Bay den tempo pa por pasa den e experiencia di su
antepasadonan na momento cu a anula e epoca di sclavitud.
Roli, e protagonista di e buki, ta un mucha cu ta conta su storia di manera dibertido, singular y
emocionante.
E ilustracion ta den man di de Loo cu a bin bishita Corsou specialmente pa e ocasion aki y asina a ilustra
diferente partinan di Corsou di un manera espectacular.
Minister Michelle Hooyboer - Winklaar a keda impresiona cu e 22 diferente estilonan di ilustracion cu ta
aparece den e buki.
E audiencia cu mas a responde riba e bunita storia aki ta muchanan entre 10 a 12 aña, pero tambe ta di
remarca cu e mayornan a laga e bookshelves nan bashi na Hulanda.
“Masha poco nos ta haya escritornan cu ta skirbi riba nos islanan den nan idioma, specialmente narando
un storia di e forma aki” Minister Michelle Hooyboer – Winklaar ta remarca.