Page 2 - ARUBA BANK 7 OCT 2015

AWEMainta Diaranson, 07 Oktober 2015 15

MFA Noord dentro EDIFICIO Multifuncional MFA, ta den operacion for di
di poco ta keda
oficialmente inaugura juni y a keda constata cu e servicio cu nan ta brinda den e
edificio aki uno cu tabata necesario pa Noord.
Gabinete Mike Eman II ta trahando riba e otro 4 edificionan
MFA na Paradera, Sta. Cruz, Savaneta y San Nicolas.
MFA ta un proyecto di Gabinetenan Mike Eman cu e vision
pa hiba e servicio mas serca di pueblo y crea espacionan
unda cu habitantenan por topa cu otro.

E siman cu a pasa Prome Minister Eman a bishta MFA-
Noord pa reuni cu representatenan di instituto, compania
y departamentonan cu ta bay huur espacio den e MFA.
El a probecha e oportunidad pa mira pa su mes e ultimo
desaroyonan y a haya un chens pa combersa cu varios
usuario di MFA-Noord, kendenan a expresa nan satisfaccion
p’e servicionan cu ta wordo brinda den e lugar aki y den un
forma masha placentero y agradabel.

“E lugar ta espacioso, nos no ta sinti nos mes cera dor di
4 muraya,” un ciudadano a comenta. Sra. Anky Vrolijk a
señala cu MFA Noord tin 5 partner cu ta brindando servicio
den e edificio aki y por bisa cu esnan cu falta pa cuminsa
brinda servicio eyden ta Servicio di Impuesto Aruba (SIA)
y Biblioteca Nacional di Aruba (BNA). E otro espacionan
cu tin por wordo gehuur cu organisacionnan social of
deportivo cu kier tene reunion eyden of otro evento.

E siguiente espacionan disponibel pa brinda servicio na
pueblo lo ta den MFA-Paradera, cu lo keda cla den luna
di maart otro aña. MFA-Noord a cuminsa cu su operacion
inoficial den luna di juni ora cu Oficina Auxiliar di Gobierno
a muda aden. Na momento cu tur detaye keda finalisa,
ta haci apertura oficial y ta anuncia nomber oficial di e
edificio tambe.

Anky Vrolijk a splica cu tin un demanda grandi di diferente
organisacion pa huur e espacionan special pa reunion,
aunke cu e mobilario no tey ainda. Esaki ta muestra cu tin
un demanda grandi pa tipo di espacionan asina.
Den e parti abou tambe tin un atelier y pa huur esaki por
tuma contacto cu Richard Tromp na 280-0001 pa mas
informacion.