Page 6 - ARUBA BANK 7 OCT 2015
P. 6
Aruba Bank ta demostra su aprecio na
empleadonan
Wednesday, 07 October 2015 09:33
Comparti
Aruba Bank a dedica henter un siman na su empleadonan cu un tremendo “Appreciation Week”, cu un
enfoke riba salud y relahamento, como tambe actividad fisico.
Siman pasa tur empleado a haya un dushi treat di fruta fresco y a intercambia carchinan di aprecio cu un
“masha danki” personalisa. A scoge Diamars como e dia pa chekeo di salud, haci pa Xavier University. A
check presion di sanger, nivel di sucu den sanger, BMI (Body Mass Index) y a haya conseho encuanto di
salud personal. Ademas, IBISA a ofrece e seminario “Biba Salud” cu hopi informacion y varios tipnan.
Probechando di e bunita bahada di solo di e ultimo simannan, a scoge pa un sesion di Sunset Zumba riba
diaranson, combinando “high energy” y baile dibertido cu un bista relahante na Eagle Beach cu instructor
Dwayne Wever. Riba e programa no por a haci falta un di elementonan mas importante di un bon
“pampering” y a invita empleadonan pa disfruta di un dushi “spa day”, unda cu a malcria nan cu e
terapistanan experto di Indulgence by the Sea cu mini massages y mini manicures.
Diabierna ta dia di diberticion y a organisa un “bowling competition” entre departamentonan, unda cu
coleganan a reta otro riba bowling lanes di Eagle Bowling Palace.
Ta e empleadonan ta esunnan cu dia aden dia afo ta percura pa e cliente ricibi e servicio cordial y di
calidad cu Aruba Bank ta para p’e y ta conoci p’e y cu e siman di evento y actividadnan, Aruba Bank ta bisa
nan “masha danki” pa nan dedicacion y tur nan esfuersonan.
