Page 85 - KPA

Awo DIMAS a inverti, DIMP tambe ta bezig ta inverti den nan sistema di ICT,
caminda ta posibel pa share informacion na un manera mas lihe y hopi mas
eficiente. Otro departamentonan tambe ta den e mesun trayecto di mehoracion,

di nan servicio y eficiencia. E poder den trahamento hunto, di berdad ta algo cu
den gobierno, lo mester keda boga pe, y brinda pe. Ta un solo meta tur ta sirbi,

cual ta pais Aruba.

Si Sra. mr. Gomes por facilita informacion pa asina su colega director, por ta un
tiki mas lihe den servicion pa clientenan cu ta warda ariba un persona, e lo

mester ta posibel. Si DIMP ta warda ariba un informacion di KvK pa verifica si
un compania ta activo of no, pa por cobra na un manera hopi mas facil y
directo, sin perde tempo, lo mester haci’e. Esaki ta e plataforma pa sigui traha

hunto como hefenan di departamento y otro instancianan cu no ta di gobierno,
pa mira e importancia den cooperacion y tambe e importancia pa comparti e

informacion.

Si no por inverti, por sinta na mesa pa wak ki otro posibilidad e ta posibel. Na
DIMP nan tin un bon plataforma di comunicacion cu DIMAS y Censo, SvB, pa

menciona un par, KvK, cu nan ta keda constantemente den comunicacion pa
asina nan por haya feedback tambe di nan di kico ta cosnan cu nan ta mira cu
por mehora.

Un administracion centralisa, caminda un administracion ta tuma luga na DIMP,

pa wordo raporta na Directe Financien. Ta mira oportunidad pa mehora, lo
haci’e y caminda cosnan ta bayendo bon, mester manten’e manera cu mester

ta. Ademas di e hecho, cu DIMP ta haciendo cambionan den e procesonan di
pago, manera ya caba a menciona. Nna ta basta cerca di anuncia di cambionan

den e sistema di pago onlien pa mehora e reconcilia e pagonan cu tin pa e
cliente. Banco Central tambe ta bezig cu un proyecto hopi importante, cu ta e
sistema di pago na Aruba, cu ta paga impuesto of transfer di un banco pa otro,

cu esaki ta bay di un manera hopi mas lihe, den un sistema di clearing hopi mas
eficiente.