Page 98 - KPA

“Siman pasa durante di e ultimo reunion di Conseho di Minister, nos a aproba

e presupuesto supletorio 2017 cu a logra un biaha mas, mantene e deficit di 0.5% di e

GDP,.

E ley aki a cuminsa su caminda na unda el a bay Raad van Advies dor di Gabinete di

Gobernador y lo bin bek pa Gobierno pa e wordo presenta na Parlamento prome cu 31 di

December 2017, y den e presupuesto aki tin ahustacionnan conoci como ‘budget

neutraal’ caminda tin cierto postnan cu tabatin gastonan di mas, ta wordo compensa via

di otro postnan caminda tabatin gastonan di menos y asina por entrega e ‘financiele

huishouding’ na ordo tambe, na momento cu e gabinete nobo a tuma responsabilidad.

Nos a mantene segun e ley di LCFT, cu tabata prescribi pa aña 2017 un deficit di 0.5%, a

logra mantene esaki cu ta un deficit di 60 miyon florin, y otro aña e ley ta prescribi cu

mester tin un surplus di 0.5% loke kiermen cu mester tin un surplus di 60 miyon florin.

Esaki ta nifica cu tin un tarea di 120 miyon florin pa por cubri pa por asina presenta un

presupuesto 2018 segun e ley di supervision financiero.

Tambe nos a entrega e “uitvoeringsrapportage” caminda cada kwartaal Ministerio di

Finansa ta entrega na Parlamento e relato di gasto y entrada di pais Aruba, den cual
tambe a confirma cu pa 2017 te cu di tres kwartaal tur cos ta ‘on schedule’ pa loke ta

trata entradanan y pa loke ta trata e gastonan, caminda ta mustra cu e gastonan ta na

75% manera a wordo presupuesta.

Ya caba e rapportnan di Banco Central nos tin pleno confiansa cu lo logra e meta aki y cu
tur siguridad a entrega un presupuesto supletorio cu mester mantene e deficit di 0.5%.