Page 99 - KPA

No ta cuestion di kier mantene, segun ley mester mantene na un deficit di 0.5% y asina

tambe Gabinete Mike EmanII ta cera na unda a entrega cuater presupuesto, cuater

presupuesto supletorio, tres cuenta anual, despues cu na 2013 a haci e ‘inhaalslag’ di 25

aña di cuentanan anual cu no a wordo entrega, cual tambe ta un paso hopi importante pa

loke ta trata sostenibilidad di finansa publico cual ta duna cuenta y mi ta kere cu esey nos

a mantene y keda haci esey.

Nos a entrega den ultimo Gabinete Mike Eman, tres cuenta anual y 10 reporte di cada

kwartaal pa loke ta trata di momento cu nos tabatin e ley di CFT pa tene cuenta cune.

Finansa Publico sostenibel tabata un di e puntonan principal di Gabinete Mike Eman II y

aparte di esey pa reinforza e fibranan social di nos comunidad, ta algo cu nos a logra y

tambe e formalisacion di e di tres pilar economico, actividadnan economico nobo, si por

yam’e asina, e cuater top sector cu nos a identifica, y tambe a ahusta e maneho

economico pa por a acomoda esakinan.

Mas cu claro yuda sector priva, yuda e ser humano capitalisa riba e inversionnan

aki, capitalisa no solamente den forma economico pero tambe capitalisa pa tin un miho

calidad di bida, danki na e esfuersonan aki.

E hecho cu e ser humano ta central, e ser humano semper ta central, den tur maneho, den

tur decision cu Gabinete Mike Eman I y II a tuma, cualkier decision financiero nos

mester a percura pa e liña berde den e decisionnan aki, mester tabata cu no tabatin mag di

tin ningun shock economico, ningun shock laboral ni shock social y pesey mes e ser

humano mester ta central.

Nos ta contento cu e gobierno nobo tambe a papia di sigui den e direccion aki,”

Parlamentario Richard Arends a mustra.