Page 52 - MIN SJA 12 MAART 2016

Departamento Recurso Humano ta pidi cooperacion di
tur empleado publico pa yena un formulario

on: March 11, 2016In: LocalNo Comments
Print Email

Comienso di aña 2016 Departamento Recurso Humano (DRH) a start cu e proyecto “Human
Resource Management Systeem” (HRM-systeem) cu tin como meta pa mehora e procesonan
administrativo riba tereno di personal haciendo uzo optimal di recursonan tecnologico. E
proyecto tin un duracion di ocho luna. Na augustus 2016 e proyecto mester ta cla.
E esencia di e proyecto ta pa implementa un asina yama HRM-systeem pa pais Aruba. E sistema
lo modernisa e procesonan actual door di centralisa tur informacion tocante e departamentonan y
empleadonan publico. E HRM-systeem lo nifica mehoracion den e servicio cu DRH ta brinda na
e empleadonan y departamentonan di Gobierno.
Pa e proyecto por ta exitoso ta esencial pa inventarisa y/of actualisa tur informacion personal di
tur empleado publico. Pa e motibo aki DRH ta haci un peticion urgente na tur empleado publico
pa yena e “personeelsgegevensformulier”. E empleado publico lo haya e formulario cerca nan
director, hefe di departamento of bureau of ambtenaar encarga cu maneho di e departamento na
unda e empleado publico ta traha. Despues di yena e formulario e empleado publico ta entrega
esaki na nan director, hefe di departamento of bureau of ambtenaar encarga cu maneho di dicho
departamento, kende na su turno lo entrega e formularionan na DRH.