Page 22 - MIN ON 9 APRIL 2016
P. 22
Colegio San Antonio ta cla pa ranca sali den
nan edificio completamente renoba
on: April 08, 2016In: LocalNo Comments
Print Email
Entrante dialuna awor, tur klas di Colegio San Antonio MAVO lo haya les den nan scol completamente renoba
y amplia situa na Santa Cruz. Ta despues di algun aña cu nan lo ta bek den e edificio original, solamente cu
awor e ta cla pa bay algun aña mas, cu su infrastructura renoba y hasta un parti amplia.
Desde dialuna pasa a cuminsa cu trabounan di mudamento for di CB Dakota pa Colegio San Antonio, den cual
a enfoca pa e 4de klasnan por muda prome pasobra nan tin examennan na caminda. E siman aki a duna 3 dia di
les, diahuebs tabatin un “soft opening” pa e alumnonan.
Riba diahuebs a duna e alumnonan un splicacion amplio di e cambionan cu a tuma luga na e scol. A repasa cu
nan e reglanan di scol y kico tur directiva ta spera di cada alumno awor cu nan tin e facilidadnan renoba y
amplia pa haya les aden.
