Page 25 - MIN ON 9 APRIL 2016

Dia 22 di April Simar lo eligi su directiva nobo

Friday, 08 April 2016 20:10
Comparti

Pronto Simar lo bay tene eleccion pa su directiva nobo. Segun Maroushcka Cornelie, miembro di
directiva, eleccion lo ta dia 22 di April y lo ta riba un diabierna. E ta cuminsa 7’or y mey y e eleccion no
tin un procedura riba su mes.

A caba di pasa un huishoudelijk reglement di Simar, caminda cu full un procedura a wordo poni pa bin
cu un votacion na un manera mas amplio cu posibilidad mas amplio pa miembronan por vota, cu no ta
solamente riba un anochi, un rato. Lastimamente e reunion no tabata bishita pa hopi hende y no a logra
forma un comision pa organisa e votacion na e forma ey. Manera statutonan ta bisa, directiva ta dicidi
con e ta bay y e ta bay manera tabata antes cu e miembronan lo bin na e reunion, nan lo scucha e relato
anual di secretario y di tesorero y tambe relato di comision di caha y despues lo bin votacion pa e
miembronan di e directiva nobo. Loke cu Cornelie por a comenta ta cu tin dos persona cu a menciona di
lo pone nan mes disponibel, nada oficial si ainda. Oficial ta, cu ta te na momento di votacion, no ta algo
cu ta wordo haci delanta door di ningun formulario ni nada. Sinembargo, no a tende di ningun miembro
mas cu tin pensa di forma parti di e directiva nobo. E directiva aki tin dos aña trahando. Segun
statutonan, despues di dos aña mester bin cu un directiva nobo y esey lo tuma luga dia 22 di April. Den e
huishoudelijk reglement tin algun rekisito, cu ta mara na e proceso di votamento cu no ta bay tin. E ta un
lastima pasobra den dje tin stipula por ehempel cu ta exigi pa e persona ta un maestro di scol pa tanto
tempo, diferente criteria. Tin cu bay mantene e manera cu ta custumber. Cualkier miembro cu ta interesa
por drenta directiva. Cualkier miembro por postula su mes pa esaki. Simar tin 5 miembro di directiva
actualmente. Tin luga pa 7. E directiva cu ser scogi lo sinta hunto despues di eleccion y lo stipula ken ta
carga tal puesto. Votacion lo ta un solo anochi y anonimo. E conteo ta tuma luga dilanti di tur hende y
esnan cu tin mayoria di voto, mester tin mitar plus 1 pa bo ta accepta y esnan cu tin e mayoria di voto ta
drenta den directiva. . Cu esaki Simar kier logra pa tin un directiva completo cu tin basta aña sin wak. Un
directiva cu hendenan cu ta durf di para pa derecho di e trahadonan, hendenan critico, hendenan cu tin
conocemento di loke ta e mundo di enseñansa y cu ta dispuesto pa traha. E ta un trabao lastimamente,
ondankbaar, ingrato. Mester tin un lomba hancho, duro, fuerte, pero e ta un trabao bunita tambe,
pasobra e ta un trabao cu ta percura pa yuda y pa mantene e derecho pa trahadonan tin, Cornelie a

http://www.24ora.com/local-mainmenu-5/107305-dia-22-di-april-simar-lo-eligi-su-directiva-nobo