Page 60 - MIN ON
P. 60
Crisis economico di Puerto Rico
ta pone cu mester cera scolnan
publico
16 May, 2017
0
SAN JUAN, Puerto Rico- E crisis economico di Puerto Rico ta forsa gobierno na
cera mas di 170 scol publico. Esaki ta como un medida di ahoro pa enfrenta e
crisis economico cu e isla ta pasando aden. E accion ta responde parcialmente
na e recomendacion haci door di e hunta di Supervision, e entidad federal
encarga di administra e finanzas publico di e isla, for di cual Departamento di
Educacion lo mester reduci 1 biyon dollar di su presupuesto.
Gobierno di Puerto Rico ta enfrenta un debe publico di casi 73 miyon dollar. E
decision pa cera e scolnan a bin despues di hopi luna di evaluacion den cual e
Departamento di Educacion lo mester consulta director-, maestro- y mayornan.
E scolnan cu lo wordo cera ta esunnan cu a wordo identifica cu’n cantidad abao
di alumno of cual nan infrastructura ta deteriora.
E sistema di educacion ta maneha 1.297 scol. Gobierno a crea un sub- comitee
interagencial cu lo evalua e uzo cu lo duna na e structuranan cera.
