Page 65 - MIN ON

Fundacion Lanta Papiamento cu evento na Biblioteca
Nacional den cuadro cu 14 aña di oficialisacion di

Papiamento

Tuesday, 16 May 2017 20:45
Comparti

Etlien Croes ta presidente di Fundacion Lanta Papiamento y hunto cu Joyce Perreira, nan
tabata na Biblioteca caminda cu nan a bin propaga nan evento, cual lo bay ta e di 14 aña di
oficialisacion di Papiamento.

Dia 21 di Mei, 2003, Papiamento a bira e idioma oficial banda di e idioma Hulandes. Como
fundacion Lanta Papiamento, tin e tarea di informa pueblo, cu Papiamento ta e idioma
mayoritario di nos isla y e ta e idioma oficial banda di e idioma Hulandes.

Pa e motibo ey, e fundacion ta organizando un evento dialuna awo, dia 22 di Mei, cu lo tuma
luga na Biblioteca Nacional, for di 7’or pa 9’or y mey di anochi. E dia aki ta bay tin un programa
varia, entre otro ta bay tin declamacion di poesia, ta bay tin charla tocante di e oficialisacion
aki di Papiamento. Esta ta bay splik’e un tiki detaya kico e ta contene, kico su balor ta pa nos
isla. Ta bay presenta resultado di investigacion relaciona cu nos idioma mes. Ta bay tin un quiz.
Den e quiz aki lo bay tin diferente frase incorecto y e participantenan por participa door di
coregi e frase. Ta bay tin premionan atractivo, caminda cu e participantenan por participa y
despues ta coregi nan y djey ta entrega premio na e ganadonan.

Tambe ta bay tin un docente di Papiamento cu ta bay splica frase corecto, versus frase
incorecto. Por ehempel e ta bay duna un frase incorecto, manera e ta bay present’e riba Power
Point y lo splica e participantenan dicon e ta incorecto. Ta bay tin interaccion tambe cu e
publico. Pa loke ta trata e oficialisacion di Papiamento, cu a sosode na 2003, tin e prueba di e
ley cu a pasa dia 21 di Mei, 2003. Esaki por hay’e riba internet.