Page 14 - MIN VOS

34 AWEMainta Diamars, 4 Juli 2017

Na Linear Park McDonald’s y

COA a pone hendenan move

Participantenan a disfruta di e Olympic 5k Fun Run/Walk

DIARANSON 28 di juni den oranan di atardi a
tuma lugar e Olympic 5k Fun Run/Walk en conexion
cu e Olympic Celebration Day 2017. McDonald’s y
Comite Olimpico Arubano tabata sumamente con-
tento di mira cu hopi adulto a participa, pero tambe
hopi mucha a yega p’asina nan tambe cana y/of core.
Un total di mas di 20 mucha a participa, mientras cu
mas di 80 adulto tambe a cana y/of core. Participan-
tenan a pasa un momento agradabel, unda cu nan
tabata cana den grupo.

Mayornan a bay cu nan babynan den stroler p’asina
sostene e meta pa tur hende haci movecion. Durante
e evento e participantenan por a disfruta di musica.
Na final participantenan por a gana un premio,
unda cu a rifa productonan di Totto y tambe varios
participante a gana un cuminda di McDonald’s. Mc-
Donald’s y COA a gradici un y tur cu a participa y a
motiva nan pa sigui cana y/of core.

For di 2012 Arcos Dorado ta un sponsor di Olympic
Day y ta haci esaki hunto COA, unda ta promove
cu movecion ta hopi importante den bida diario di
tur hende.
Nan aportacion ta pa cubri e T-shirt oficial di e
evento, pone disponibel logo’s, banners y otro Pro-
motional Items.