Page 9 - MIN VOS

28 AWEMainta Diamars, 4 Juli 2017

Ethan Westera ta parti di Paseo DIASABRA ultimo, Paseo

Herencia tabatin e honor di
Herencia su Wall of Rising Stars! desvela un hoben talentoso mas

riba nan Wall of Rising Stars,
cual a keda den nomber di Ethan
Westera. Ethan a nace na Aruba
na aña 1997 y a cuminsa haci e
deporte di windsurfing n’e edad
di 7 aña.

Na 2008, el a haya e oportunidad
pa participa na Aruba HI-Winds
na unda el a logra e titulo di terc-
er lugar Slalom bou di 12 aña. Na
e mes un aña aki Ethan a logra
competi den Circuit Brasileiro
unda cu el a gana e titulo maximo
di prome lugar den categoria di
12 aña bay abou. Esaki tabata
dijs e comienso di un pasion p’e
sport di Windsurfing.

Na 2016, Ethan a gana e titulo
di PWA Youth Slalom World
Champion y e aña aki el a gana
IFCA Elite Slalom World Cham-
pion. Ta di admira cu Ethan su
dedicacion na su deporte a lag’e
gana mas cu 30 titulo desde cu
el a cuminsa practica su deporte.

Diasabra den presencia di famia
y amigonan, General Manager
sra. Valerie Pietersz a yama e
pubico presente un bon bini y a
splica con a yega na pone Ethan
riba Paseo Herencia su Wall of
Rising Stars. Mama di Ethan,
Samantha Westera, a cuminsa
conta con windsurfing a cuminsa
como un hobby y poco poco bira
un deporte cu Ethan kier a bira
un profesional aden.
Durante e ceremonia tambe a
entrega e premio di e “Challenge
Cup” na Carmen Geelkens.
E “Challenge Cup” ta wordo
entrega tur aña n’e atleta local
cu a mehora mas den su deporte.

Minister Alex Schwengle tambe a
duna un discurso y felicita Ethan
y bis’e con orguyoso e ta di dj’e.
Minister Swengle a invita tur
hende pa bay na e Wall of Rising
Stars y asina a desvela Ethan su
potret. Paseo Herencia un biaha
mas kier a felicita y desea Ethan
hopi exito den su futuro retonan
y p’e sigui ta un ehempel p’e otro
hoben nan.